Lənkəran rayonunda, Şirvan şəhərində yerləşən tullantı poliqonlarında və Xocalı rayonu ərazisində Xocalı-Xankəndi avtomobil yolunun kənarında yerləşən maye qazdoldurma məntəqəsinin yaxınlığında tullantılar qalaqlanaraq yandırılıb.
Xeberle.com məlumat verir ki, bu barədə Dövlət Ekoloji Təhlükəsizlik Xidmətindən məlumat verilib.
Bildirilib ki, faktlarla bağlı Lənkəran Mənzil İstismar Kommunal Müəssisələr İdarəsinin rəisi Rövşən Lətifov və Şirvan Kommunal Kombinatı Müəssisəsinin rəisi Azər Abdıyev barəsində vəzifəli şəxs qismində, Füzuli rayonu Bəhmənli kənd sakini Rəhman Bayandurov barəsində isə fiziki şəxs qismində protokol tərtib olunub.
Sözügedən şəxslər inzibati məsuliyyətə cəlb ediliblər.
Xəbərdən istifadə edərkən istinad etmək vacibdir.
