Cəlilabadda avtobus qəzasının təfərrüatları məlum olub. Xeberle.com İstiPress-ə istinadən xəbər verir ki, hadisəyə səbəb sürücünün mikroavtobusa tutumundan artıq sərnişin mindirməsi olub. Belə ki, 14 nəfərlik yer tutumuna malik "Raf" mikroavtobusuna 25 nəfər adam mindirilib.
Ağırlığa dözməyərək aşan avtobusda sərnişinlərə məxsus termoslardakı isti çaylar onların üəzrinə dağılıb. Bunun nəticəsində sərnişinlər yanıq xəsarəti alıb. 
Hazırda bütün yaralılar Cəlilabad Mərkəzi Rayon xəstəxanasındadır. Onlardan 9 nəfəri reanimasiya şöbəsindədir.
Cəlilabadda baş verən avtobus qəzasında yaralanan qadınlardan birinin vəziyyəti pisləşib. Şiləvəngi kənd sakini olan Elnarə Malik qızı Əhmədovanın vəziyyəti ağırlaşdığı üçün o təcili olaraq Bakıya yola salınıb. 

 

 

 

Xəbərdən istifadə edərkən istinad etmək vacibdir.