Sumqayıtda köməksiz vəziyyətdə qalan şəxslər xilas ediliblər.

Xeberle.com (FHN) rəsmi saytına istinadən məlumat verir ki, Sumqayıt şəhərində giriş qapısının kilidində yaranmış nasazlıq üzündən 3 nəfər zərərçəkmiş mənzildə köməksiz vəziyyətdə qalıblar.

Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunublar.

Xilasedicilər beşmərtəbəli yaşayış binasının 4-cü mərtəbəsində yerləşən mənzilin eyvanına təhlükəsizlik qaydalarına riayət etməklə xüsusi alət və avadanlıqlar vasitəsilə 5-ci mərtəbədəki mənzilin eyvanından enərək, içəri daxil olublar.

Zərərçəkmişlər aidiyyəti üzrə təhvil veriliblər.