Bakıda 16 mərtəbəli yaşayış binasında baş verən yanğın söndürülüb.
APA-nın hadisə yerində olan müxbirinin verdiyi məlumata görə, binada yaşayan sakinlər artıq evakuasiya ediliblər.
Hadisə nəticəsində ölən və xəsarət alan olmayıb. Yanğın Üzeyir Hacıbəyli küçəsi 75/89 ünvanında qeydə alınıb.
Yanğın binanın 4-5-6-cı mərtəbələrini əhatə edib.
Hadisə yerində FHN-nin texnikası və canlı qüvvəsi cəlb edilib. Yanğının başvermə səbəbi bəlli deyil.
Yanğın baş vermiş ərazidə nəqliyyatın hərəkəti tam bərpa edilib.
Xəbərdən istifadə edərkən istinad etmək vacibdir.
