FaktXəbər-in verdiyi məlumata görə, Bakı Dövlət Universitetinin rektoru Abel Məhərrəmovla bugünkü görüşə bəzi tələbələr və jurnalistlər buraxılmayıb. BDU-nun giriş qapılarını bağlayan mühafizəçilər tədbirin təxirə salındığını deyirlər. Bununla belə, bəzi informasiya agentliyinin işçilərinə içəri girməyinə izn verilib. Kənarda qalan jurnalistlər buna etirazlarını bildirsələr də, bir nəticəsi olmayıb.

 Qeyd edək ki, ali təhsil müəssisəsinə buraxılmayanların arasında müəllimlər də var.

 Hazırda Universitetin bütün giriş qapılarını mühafizəçilər və mülki geyimli şəxslər tərəfindən nəzarətdə saxlanılır, ətrafda polis əməkdaşları gözə dəyir. "Elmlər Akademiyası" metrosunun çıxışında bir neçə post patrul maşınları dayanıb.

 Xatırladaq ki, ötən gün Bakı Dövlət Universitetinin rektoru Abel Məhərrəmovla tələbələrin görüşü zamanı narazı tələbələrin sualları çox olduğundan görüş növbəti gün (red -22 fevral) saat 11-ə təxirə salınmışdı.