Mahir tar ifaçısının özü, oğlu, gəlini və daha bir nəfəsi isə xəsarət alıb
Azərbaycanın xalq artisti qəzaya düşüb.
Suraxanı rayon Polis İdarəsindən verilən məlumata görə, gecə saatlarında Suraxanı rayonu ərazisində, Zığ şossesində baş verən qəzada mahir tar ifaçısı Ağasəlim Abdullayev özü, avtomobili idarə edən oğlu, gəlini və nəvəsi ağır xəsarət alıb, həyat yoldaşı və daha bir azyaşlı nəvəsi isə ölüb.
Faktla cinayət işi başlanıb, araşdırma aparılır.
***
saat 02.20
Bu gecə Bakının Suraxanı rayonu ərazisində, Zığ şossesində ağır yol-nəqliyyat hadisəsi baş verib.
Qəza ilə bağlı bəzi təfərrüatlar məlum olub.
APA-nın məlumatına görə, “VAZ-2106”-da sürücü, onun həyat yoldaşı, iki övladı, eləcə də, atası və anası olub. Qəza nəticəsində sürücünün anası və bir övladı həlak olub, özü, həyat yoldaşı, atası və digər övladı xəsarət alıb.
Xəsarət alanlardan ikisi 3 saylı Şəhər Klinik Xəstəxanasına, qalanları isə Şəhər Kliniki Xəstəxanasına yerləşdirilib. Yaralılardan hələlik ikisinin şəxsiyyətini dəqiqləşdirmək mümkün olub. Bunlar sürücünün atası, 1950-ci il təvəllüdlü Abdullayev Ağasəlim Sahib oğlu və sürücünün həyat yoldaşı, 1984-cü il təvəllüdlü Səadət Abdullayevadır.
Xəbərdən istifadə edərkən istinad etmək vacibdir.
