“Xeberle.com”-un məlumatına görə, bu gün Sumqayit şəhərində zəncirvari qəza baş verib. Yol nəqliyyat hadisəsi  Sumqayıt şəhərinin “Daş bazarı” adlanan ərazisində qeydə alınıb.  7 saylı marşrut xətti ilə hərəkət edən “Daewoo” markalı avtobus yolun kənarında duran “KAMAZ” markalı yük avtomobilinə çırpılıb. “KAMAZ” markalı yük avtomobili isə “VAZ 21015” markalı minik avtomobilinə dəyib.  

Sumqayıt Təcili Tibbi Yardım Xəstəxanasından “Aktual.az”a verilən məlumata görə hadisə nəticəsində 2-si azyaşlı uşaq, 2-si qadın olmaqla 6 nəfər xəsarət alıb.

Faktla bağlı Sumqayıt şəhər Polis İdarəsinin Dövlət Yol Polisi tərəfindən araşdırma aparılır.

Azad Əzizov, xeberle.com