Sumqayıt şəhərində qeyri-adi oğurluq hadisəsi baş verib. Bu dəfə oğurluq edən şəxs geyim dükanına daxil olaraq oradan qadın corabları oğurlayıb. Amma obyekt sahibinin sayıqlığı nəticəsində həmin şəxs saxlanılıb və polislərə təhvil verilib. İdarədə məlum olub ki, geyim dükanından oğurluq etmək istəyən şəxs Kiçiknicat Arif Mirzağa oğludur. Arif ifadəsi zamanı corabları sevdiyi xanıma vermək üçün oğurladığı bildirib. 

Hadisədə şübhəli bilinən Arif Kiçiknicat əvvəllər nə az, nə çox düz 4 dəfə məhkumluq həyatı yaşayıb. Bir neçə ay əvvəl azadlığa buraxılan Arif bu müddət ərzində iş-güc sahibi olmaq əvəzinə yenidən qanunsuz əməllərlə məşğul olmağı üsdün tutub.

Hadsə ilə bağlı saxlanılan şəxs ətrafinda əməliyyat-istintaq hərəkətləri davam etdirilir. Polis idarəsindən isə bildirdilər ki, əgər araşdırmaların sonunda Arifin başqa cinayətləri üzə çıxmasa o etdiyi son oğurluğa görə, canını cərimə ödəməklə də qurtara bilər. Yəqin ki, bu hadisədən sonra Arifin həmin qadına öz sevgisini sübut etməsi üçün oğurluq etməsinə ehtiyac olmayacaq.(ANS)