Türkiyənin PKK terror təşkilatı ilə 35 illik amansız mübarizəsində heç cür təmizlənməyən Qəndilə cəmi 8 kilometr məsafə qalıb.
"Mehmetçik" PKK-nın əsas qərargahı hesab olunan Qəndilə bayrağı sancmaq üçün addım-addım irəliləyir.
Son məlumatına görə, PKK terror təşkilatının Avasin Basyan düşərgəsi tamamilə dağıdılıb.
Qəndil dağı və ətrafının ərazisi 50 min kvadratmetrdən ibarətdir. Türkiyə sərhədindən 150-200 kilometrdə yerləşən ərazidəki onlarla terror düşərgəsində 5-6 min terrorçu var.
Qəndildən 8 kilometr məsafədə yerləşən Dalya bölgəsindən əldə edilən görüntülərə görə, pilotsuz uçuş aparatı hakim təpədə yerləşən iki terrorçunu və daşınabilən raket sistemini müəyyən edir. Terrorçuların olduğu yerin koordinatları türk qırıcılarına ötürülür və dəqiq avizərbələrlə terrorçular məhv edilir. (ONNmedia)

Xəbərdən istifadə edərkən istinad etmək vacibdir.