Avqustun 8-i, gecə saatlarında Rusiyanın Leninqrad vilayətinin Vsevoloj rayonunda Azərbaycan vətəndaşı yerli parklardan birində ağacdan asılmış qadın cəsədi aşkar edib.
Xeberle.com Oxu.Az-a istinadla xəbər verir ki, Leninqradda yaşayan azərbaycanlı Buqra qəsəbəsindəki parkda gəzərkən istəmədən qorxunc hadisə ilə üzləşib: Park küçəsindəki 6-cı evin arxasında ağacdan qadın cəsədi asılıb.
Həmin qadının əynində cins və ağ gödəkcə olub, sinəsində çantası asılıb. O, dərhal hadisə yerinə hüquq-mühafizə orqanlarının əməkdaşlarını çağırıb. Ölən şəxsin 35 yaşlı qəsəbə sakini olduğu bildirilib.
Cəsəd morqa göndərilib. Onun bədənində zorakılıq əlamətləri aşkar edilməyib.
Xəbərdən istifadə edərkən istinad etmək vacibdir.
