vqustun 13-də Sumqayıt şəhərində 29-cu kvartal, ev 11/16, mənzil 30 ünvanında yaşayan Aysel Əhmədovanın 2 aylıq körpəsi naməlum şəraitdə oğurlanıb. Hadisə ilə bağlı hüquq-mühafizə orqanları məlumatlandırılıb.
Sumqayıt Şəhər Polis İdarəsində ananın izahatı alınıb. Uşağı oğurlanan ailənin yaşadığı ünvana baş çəkən Teleqraf.com-un əməkdaşları ailə haqqında bir sıra məlumatlar əldə edib.
Bildirilir ki, Aysel Əhmədova oğurlanan körpəsini dünyaya gətirmək üçün teleaparıcı Elgiz Əkbərin ANS kanalında yayımlana “Adam içində” verilişindən kömək istəyib. Verilişə çıxan qadın uşağını dünyaya gətirmək üçün doğum evindən pul istədiklərini deyib. O da maddi imkanı olmadığından bu verilişə müraciət edib.
Həmin verilişin sayəsində qadına müəyyən maddi yardım göstərilib.
Aysel Əhmədovanın qonşularından əldə edilən məlumata görə, baş verən hadisədən sonra aparıcı Elgiz Əkbər 2 aylıq körpənin oğurlanması faktı ilə bağlı istintaqa çağrılaraq, dindirilib.
Xatırladaq ki, 2 aylıq körpəni oğurlayan qadının görüntüləri təhlükəsizlik kameralarına düşüb. Hazırda uşağın tapılması istiqamətində əməliyyat-axtarış tədbirləri davam etdirilir.
Bu məsələ ilə bağlı Elgiz Publika.az-ın suallarını cavablandırıb:
- Elgiz, bu, nə məsələdir, adın uşaq oğurluğunda hallanır?
- İnan ki, şokdayam, özümə gələ bilmirəm. Əsəb sarsıntısı keçirirəm. O uşağı mənəvi uşağım sayıram, hesab edirəm ki, mənim uşağımı oğurlayıblar. Uşağı oğurlanan ata necə olarsa, mən də o haldayam.
- Səncə, uşağı kim oğurlayıb?
- O qadını istintaq artıq müəyyən edib, şəkli də onlarda var. Əslində, o qadın əvvəldən bunu planlaşdırıbmış. Mən ona üzümü tutub demək istəyirəm ki, ortaya çıx, cəzan yüngülləşər. Əks halda, vəziyyətin pis olacaq. Mən dəqiq bilirəm ki, o, uşağı satıb. O qadına demək istəyirəm ki, onsuz da, pulun batacaq, bəri başdan uşağı geri gətir.
- Eştdik, səni də istintaqa çağırıblar?
- Yox, hüquq mühafizə orqanlarından mənim yanıma gəldilər. ANS-də məndən izahat aldılar. Mən özümdə olan bütün məlumatları onlara verdim. O qadın, əslində, verilişimə gəlirdi, amma üzünü göstərmirdi. Deməli, əvvəldən işini planlaşdırıbmış. Özünü buna görə də cəmiyyətə təqdim etmək istəmirmiş. Gəlirdi telekanala, pilləkənin altında dayanırdı, üzünü göstərmirdi.
- Uşağın anasında günah görürsən?
- Yazıq qadında heç bir günah yoxdur. Onun durumu bu saat çox pisdir. Mən ondan da betərəm.
Xəbərdən istifadə edərkən istinad etmək vacibdir.
