Bakı-Qazax magistral yolunun Tovuz rayonu ərazisindən keçən hissəsində ağır yol nəqliyyat qəzası baş verib.
Tovuzda ağır yol nəqliyyat hadisəsində həlak olan rayonun Əlimərdanlı kənd bələdiyyəsinin sədri Abbas İbrahimovdur. Lent.az -ın Türkel TV-ə istinadən verdiyi məlumata görə, o, aldığı ağır xəsarətlərindən elə hadisə yerindəcə keçinib.
***
Baş Dövlət Yol Polisi İdarəsindən APA-nın qərb bürosunun verdiyi məlumata görə hadisə avqustun 27-də, saat 23 radələrində magistral yolun 440-cı kilometrliyində, Tovuz rayonunun Aşağı Quşçu kəndi ərazisində baş verib.
“Kamaz” markalı yük avtomobili ilə “Mitsubishi” markalı avtomobilin toqquşması nəticəsində “Mitsubishi”nin sürücüsü dünyasını dəyişib. Faktla bağlı Baş Dövlət Yol Polisi İdarəsində araşdırma aparılır
Xəbərdən istifadə edərkən istinad etmək vacibdir.
