Mətbuatda Sumqayıt Musiqi
Kollecinin tələbələri - 16 yaşlı Ləman Əsgərova, 17 yaşlı Turac Abdinova, 17
yaşlı Bahar Əhmədova və 18 yaşlı Aydan Abdullayeva qidadan zəhərləndiyi ilə
bağlı məlumatlar yayılıb.
Bildirilir ki, araşdırma zamanı onların
Sumqayıt şəhəri, 43-cü məhəllə ərazisində yerləşən dönərxanaların birindən alıb
yedikləri dönərdən zəhərləndikləri məlum olub.
Hadisə ilə bağlı Sumqayıt Təcili
Tibbi Yardım Xəstəxanası ilə əlaqə saxladıq.
Xəstəxanadan Xeberle.com-a bildirilib ki, dönərdən zəhərlənmə ilə bağlı tibb müəssisəsinə
müraciət daxil olmayıb.
Sumqayıt Musiqi Kollecinin direktoru Rasim Quliyev Xeberle.com-a açıqlamasında bildirib ki, təhsil müəssisəsində yeməkxana
olmadığı üçün tələbələr qidaları kənardan alırlar: "Hadisə baş verən gün də
tələbələr dönər satışı ilə məşğul olan obyektdən dönər alıb yeyiblər. Və 4 tələbə
sonradan özünü pis hiss edib. Tələbələrdən ikisini vəziyyəti yaxşı
olmadığından Təcili tibbi yardıma müraciət edilib. Və onların mədələri yuyulub.
Hazırda onların vəziyyəti yaxşıdır və təhsillərini davam etdirirlər".
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
