Bakıda narkotik maddələrin alqı-satqısı ilə məşğul olan dəstə yaxalanıb. Yasamal rayon Polis İdarəsindən APA TV-yə verilən məlumata görə, 26-cı polis bölməsinin keçirdiyi əməliyyat tədbirləri nəticəsində əvvəlcə dəstənin başçısı yaxalanıb. Saxlanan şəxs Bakı şəhər sakini Cambulat Əlixanovdur. Onun üzərinə baxış keçirən zaman 0.348 qram heroin aşkar edilib. Əməliyyat tədbirin nəticəsində dəstənin daha iki üzvü İsmayıl Əliyev və Tahir Abdülqədimov da yaxalanıb. Onların da üzərinə baxış keçirən zaman narkotik maddələr aşkarlanıb. Yasamal rayon Polis İdarəsindən verilən məlumata görə hər üç şəxs əvvəllər məhkumluq həyatı yaşayıb. Onların içərisində ən çox həbsdə olanı dəstə başçısı hesab edilən Cambulat Əlixanovdur.

Sumqayıt polisi tərəfindən saxlanılan Rafael Məmmədov da 2 dəfə məhkum olunub. Bu dəfə saxlanılmasının səbəbi üstündən şəxsi istehlak miqdarından artıq narkotik vasitə hesab edilən tiryək aşkar olunmasıdır. Rafael Məmmədov tutduğu əmələ görə peşman olduğunu deyib: “Xəstəlikdi də bu, nə edim? Heç kim mənu bu yola düşməyə vadar etməyib. Özüm özümə etmişəm”.

Faktla bağlı istintaq araşdırmaları davam edir.