Ötən il Azərbaycanda cinayət törətdiyinə görə məhkum edilənlər arasında 14-17 yaşda olanların sayı 323 nəfər təşkil edib.
Xeberle.com Unikal.org-a istinadən xəbər verir ki, onlardan 1 nəfər cinayəti sərxoş halda, 59-u qrup şəklində, 90-nı isə böyüklərin iştirakı ilə törədib.
Məhkəmə qarşısına çıxarılanlardan 111-inə azadlıqdan məhrum etmə (48-i 5 ilədək, 63-ü 5 il və yuxarı), 16-sına islah işləri, 2-sinə ictimai işlər, 98-inə cərimə, 96-sına isə şərti məhkum etmə cəzası verilib.
Həmçinin, məhkum olunan 323 nəfərdən 41-i 14-15 yaşda, 282-si isə 16-17 yaşda olanlardır. Onlardan 3-ü qızdır. Məhkum olunan 323 nəfərdən 271-i hər iki valideyni olan ailədə, 50-si isə bir valideyni olan ailədə tərbiyə alanlar, 186-sı işləməyən və oxumayan, 34-ü işləyən, 103-ü isə şagird və tələbə olub.
2017-ci ildə 14-17 yaşda olanlar tərəfindən və ya onların iştirakı ilə törədilən cinayətlərin sayı 532 olub. Onlardan 50-si ağır və xüsusilə ağır cinayətlər kimi qeydə alınıb.
Bundan başqa, həmin yaşda məhkum olunanlardan 6-sı qəsdən adam öldürmə və adam öldürməyə cəhd, 15 qəsdən sağlamlığa ağır zərər vurma, 367 oğurluq cinayətinə görə həbs ediliblər. Oğurluq faktlarından 100-ü mənzillərdən törədilib. Bundan başqa onlar tərəfindən 11 soyğunçuluq, 7 quldurluq, 15 dələduzluq, 14 xuliqanlıq, 4 narkotik vasitələrlə bağlı cinayətlər, 3 yol-hərəkəti və nəqliyyat vasitələrinin istismarı qaydalarını pozma cinayəti törədilib.
Xəbərdən istifadə edərkən istinad etmək vacibdir.
