Türkiyədə yaşayan azərbaycanlı qadın intihar edib.
Modern.az xəbər verir ki, 47 yaşlı Tünzalə Rzayevanın özünü asmasına səbəb kimi içki və qumar düşkünü olan ərindən davamlı şiddət görməsi, tez-tez döyülüb-söyülməsi göstərilir. Məlumatı onun türk rəfiqəsi Güladi Yıldız sosial şəbəkədə paylaşıb.
Qeyd edilib ki, intihar edən qadın Azərbaycanın Lənkəran rayonundandır. Əvvəllər Lənkəranın kəndlərindən birində müəllimə işləyib, sonradan türk kişi ilə ailə quraraq, qardaş ölkədə yerləşib. Onun cənazəsi dünən Türkiyədən Azərbaycana göndərilib.
Məlumata görə, mərhum Türkiyə vətəndaşı ilə ikinci evliliyini yaşayırmış və bu nikahdan bir qızı da dünyaya gəlib. O da bildirilir ki, atası qızını istəmədiyinə görə, Tünzalə Rzayevanın övladını da tezliklə Azərbaycandakı qohumlarının yanına yola salacaqlar.
Xəbərdən istifadə edərkən istinad etmək vacibdir.
