"Diqlas" Ticarət Mərkəzində baş verən yanğından zərərçəkənlərə konpensasiya ödəniləcək.
Azvision.az xəbər verir ki, bunu Prezident Administrasiyasının Regional idarəetmə və yerli özünüidarəetmə orqanları ilə iş şöbəsinin müdir müavini Hüseyn Mövsümov yanğından zərərçəkən sahibkarlarla görüşündə deyib.
PA rəsmisi bildirib ki, Prezidentin tapşırığı ilə hər bir kəsə dəymiş ziyan dövlət tərəfindən ödəniləcək.
Qeyd edək ki, martın 26-da paytaxtın Nizami rayonunda yerləşən "Diqlas" Ticarət Mərkəzində güclü yanğın baş verib. Hadisə nəticəsində ticarət mərkəzi ilə yanaşı bir sıra mağazalar yanaraq külə dönüb.
Xəbərdən istifadə edərkən istinad etmək vacibdir.
