Dağıstanın Qayakənd rayonunun "Kavkaz” federal avtomobil yolunda "Lada Qranta” və "Hyundai Solaris” markalı avtomobillər Azərbaycan dövlət nömrə nişanlı mikroavtobusla toqquşub.
"Qafqazinfo”nun "TASS” agentliyinə istinadən verdiyi xəbərə görə, hadisə nəticəsində 2 nəfər həlak olub, 8 nəfər ağır yaralı olaraq Qayakənd xəstəxanasına yerləşdirilib.
Ölənlər 1993-cü il təvəllüdlü Axtın və 1994-cü il təvəllüdlü Qayakənd sakinləridir.
Məlumata görə, yaralılar arasında üç Azərbaycan vətəndaşı da var.
Hadisə şahidlərinin sözlərinə görə, qəzanı "Hyundai Solaris”in sürücüsü törədib.
Xəbərdən istifadə edərkən istinad etmək vacibdir.
