Xəbər verdiyimiz kimi, Sumqayıt şəhəri, Ağa Quluyev küçəsində avtomobil yolu çöküb. Hadisə ilə əlaqədar Sumqayıt Sukanal İdarəsinin baş mühəndisi Mahir İmanov Xeberle.com-a açıqlama verərək bildirib ki, İdarəyə sözügedən ərazidə asfaltın çökməsi ilə əlaqədar məlumat daxil oldu. "Biz yerində baxış keçirdik və su xəttini çəkən şirkətə müraciət etdik. Onlarla birlikdə xəttin üstünü açdıq. Məlum oldu ki, xəttin yan hissəsində yağış suları yolun bünövrəsinə su vermiş və asfaltda çökmə əmələ gəlmişdir. Tikinti şirkəti həmin hissəni çıxararaq və əlavə kipləşmə işləri apararaq yolun asfaltını vuracaq", - deyə qirimdan bildirilib.
Xəbərdən istifadə edərkən istinad etmək vacibdir.
