Sumqayıtda beton piltə yaşayış evinin üstünə düşüb.
Xeberle.com-un məlumatına görə, hadisə Xəzri yaşayış massivində Kompressor zavodunun ərazisində mövcud evlərin birində qeydə alınıb.
Zərərçəkənlər bildirir ki, hadisə gecə saatlarında baş verib. Həmin vaxt onlar yatmış olublar. Xoşbəxtlikdən ağır beton layı evi içinə düşməyib. Yoxsa hər hansı bir bədbəxt hadisə qaçılmaz olardı.
Sumqayıt şəhər İcra Hakimiyyəti Başçısının 1 saylı ərazi üzrə icra nümayəndəliyindən bildirilib ki, sözügedən əraziyə artıq baxış keçirilib. "Fövqəladə Hallar Komissiyasının üzvləri gedib yerində baxıb, qiymət veriblər. Sakinlərə burada yaşamaqlarının təhlükəli olması barədə bildirişlərdə paylanılıb. Ancaq onlara ərazini tərk etmələri deyilməyib. Şəhər rəhbərliyi də həmin ailələrin yerləşdirilməsi ilə bağlı müvafiq tədbirlər həyata keçirməyi düşünür.
Xəbərdən istifadə edərkən istinad etmək vacibdir.
