Sumqayıt şəhər Polis İdarəsinin əməkdaşları tərəfindən keçirilən nəzarət tədbirləri zamanı aktiv koronavirus xəstəsi ictimai yerdə aşkar edilərək saxlanılıb.
Xeberle.com-un məlumatına görə, Sumqayıt şəhər 3-cü məhəllə sakini Abdülbaği Əlimirzəyevin COVID-19 testinin nəticəsi pozitiv olduğu üçün o, ev şəraitində müalicəyə cəlb edilib və sanitar-karantin qaydalarına riayət etməsi tapşırılıb. Lakin həmin şəxs polis əməkdaşları tərəfindən Sumqayıtda "Asan Xidmət" mərkəzinin qarşısında aşkarlanıb və tibbi proseduralar da gözlənilməklə yaşadığı ünvana geri qaytarılıb. Bu barədə müvafiq səhiyyə qurumları məlumatlandırılıb.
A. Əlimirzəyev barəsində Sumqayıt şəhər Polis İdarəsində araşdırma aparılır.
Xəbərdən istifadə edərkən istinad etmək vacibdir.
