Sumqayıt şəhəri, Səməd Vurğun küçəsində xəstəxana binasında baş vermiş yanğın Fövqəladə Hallar Nazirliyinin (FHN) Dövlət Yanğından Mühafizə Xidmətinin yanğından mühafizə bölmələri tərəfindən söndürülüb.
Xeberle.com xəbər verir ki, bu barədə FHN məlumat yayıb.
Əlavə məlumat veriləcək.
Sumqayıtda xəstəxanada yanğın zamanı tüstüdən zəhərlənənlərin olduğu bildirilir.
Xeberle.com xəbər verir ki, tüstüdən zəhərlənənlər təcili tibbi yardıma müraciət edib. Ümumilikdə 81 xəstə, 16 işçi təxliyə olunub.
TƏBİB-dən isə bildirilib ki, ilkin məlumata görə, xəsarət alan yoxdur.
Ətraflı məlumat veriləcək.
xxx
19:38
Sumqayıtda xəstəxana yanır.
Xeberle.com xəbər verir ki, 4 nömrəli Sumqayıt şəhər xəstəanasında yanğın başlayıb. Əraziyə 10-a yaxın yanğınsöndürən maşın və canlı qüvvə cəlb olunub. Xəstəxanada olan xəstələr təcili tibbi yardım maşınları vasitəsilə təxliyyə edilir.
Hadisə ilə Fövqəladə Hallar Nazirliyi (FHN) də məlumat yayıb.
Xeberle.com-un FHN-in saytına istinadən verdiyi xəbərə görə, Nazirliyin "112” qaynar telefon xəttinə Sumqayıt şəhəri, Səməd Vurğun küçəsində xəstəxana binasında yanğın olması barədə məlumat daxil olub.
Məlumatla əlaqədar FHN-nin Dövlət Yanğından Mühafizə Xidmətinin yanğından mühafizə bölmələri və Sumqayıt Regional Mərkəzinin xilasetmə qüvvələri çağırış üzrə cəlb olunub.
Hazırda yanğının söndürülməsi digər zəruri tədbirlərin görülməsi istiqamətində işlər davam etdirilir.
Əlavə məlumat veriləcək.
Xəbərdən istifadə edərkən istinad etmək vacibdir.
