Sumqayıt Şəhər Polis İdarəsinin 4-cü polis bölməsinə martın 26-da saat 18 radələrində Səməd Vurğun küçəsində Füzuli Rayon Dövlət Dram Teatrına məxsus "Hyundai” markalı avtomobildən şüşəni sındırmaq yolu ilə içərisində 1500 manat məbləğində pul, sənədlər və bank kartı olan çantanın oğurlanması barədə məlumat daxil olub.
Daxili İşlər Nazirliyinin mətbuat xidmətindən Xeberle.com-a bildiriblər ki, polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Sumqayıt şəhər sakini, əvvəllər məhkum olunmuş G.Əsədov müəyyənləşdirilərək saxlanılıb.
Faktla bağlı araşdırma aparılır.
Xəbərdən istifadə edərkən istinad etmək vacibdir.
