Abşeronda qətl törətməkdə təqsirləndirilərək məkum olunan Orxan Gərayev Ali Məhkəməyə müraciət edib.
Xeberle.com xəbər verir ki, onun müraciətinə hakim İlkin Rəcəbovun sədrliyi ilə baxılacaq.
İş üzrə məhkəmə baxış iclası dekabrın 15-nə təyin olunub.
Qeyd dək ki, hadisə Pirəkəşkül qəsəbəsində baş verib.
Bakı-Yevlax magistral yolunun 26-cı kilometrliyində, yerləşən "Avropa” kafesində şəxsi münasibətlər zəminində mübahisə düşüb.
1984-cü il təvəllüdlü Gərayev Orxan Əmirxan oğlu üzərində olan "Makarov” tipli tapança ilə 1991-ci il təvəllüdlü paytaxt sakini Xəlilov Kamran Əli oğluna xəsarət yetirib.
Kamran Xəlilov hadisə yerində olan naməlum şəxslər tərəfindən 1 saylı Kliniki Tibbi Mərkəzə çatdırılsa da, aldığı xəsarətlərdən xəstəxanada dünyasını dəyişib.
O.Gərayevə Cinayət Məcəlləsinin 120.2.2-ci (xuliqanlıq niyyəti ilə adam öldürmə) maddəsi ilə ittiham verilib.
Orxan Gərayev polis əməkdaşları tərəfindən saxlanılıb.
Məlumata görə, iş üzrə dindirilimiş Orxan Gərayev bildirib ki, yaşadığı Müşviqabad qəsəbəsində Kənan adlı şəxsdən 120 kvadratmetrlik obyekti icarəyə götürüb. Razılaşmaya görə, pulu tam ödəyib qurtardıqdan sonra obyektin mülkiyyətçisi o olacaqdı. Öz növbəsində həmin obyekti o, eyni qəsəbədə yaşayan Səmihə adlı qadına aylıq 400 manata icarəyə verib. Qadın orada uşaqlara kiqboksinq dərsləri keçib.
Orxan bildirib ki, hadisədən bir gün əvvəl səhər vaxtı obyektin yanından keçəndə, su motorunun öz-özünə işlədiyini görüb və Səmihənin telefonuna zəng edib ona bu barədə məlumat verib. Qadın cavab olaraq su sızmasının həmin yeri icarəyə götürən vaxtdan olduğunu deyib. Xanım olduğu üçün tanış ustaya zəng edib problemi özü aradan qaldırıb və Səmihəyə mesaj yazıb ki, bundan sonra nəsə baş versə, cavabdeh o olacaq. Qadın da kobud şəkildə səsli mesaj göndərib ki, belə məsələlərə görə onu narahat etməsin. Onunla yalnız hər ayın 1-də pulu almaq üçün əlaqə saxlasın.
Bundan bir gün sonra əvvəllər tanımadığı Kamran adlı şəxs onu həmin qəsəbədə yolun kənarında yerləşən kafeyə çağırıb. Kafeyə gələndə Valehlə Kamranın otaqlardan birinin qarşısında dayandıqlarını görüb. Onların yanında tanımadığı 2 nəfərdə olub. Üçü birlikdə kabinetə keçiblər və Valeh çay sifariş verib.
"Oturduq söhbər zamanı mən dedim ki, mənim obyektimdə o qadınla sözümüz alınmır. Mən onunla işləməyəcəm. Mənə dedi ki, qadın orada işləyəcək. Dedim, başa düşmürəm e, obyekt mənimdirsə, mən deyən olacaq. Səbəbi də budur ki, o qadınla sözümüz düz gəlmir. Qayıtdı mənə dedi ki, mən sənə deyirəm ki, o, orada işləyəcək, sən də ağıllı olacaqsan. Mübahisəmiz başladı".
Orxan ifadəsinin davamında bildirib ki, Valehlə mübahisəsi yarananda Kamran əlindəki dəmir əşya ilə başının arxa hissəsindən zərbə vurub. Kimsə Kamrana mane olanda əlindəki silah yerə düşüb. Özünü müdafiə etməkdən ötrü cəld yerdəki silahı götürüb. Kamran üzərinə gələndə, o, arxaya çölə doğru gedib. Səs-küyə otağa tanımadığı şəxslər də daxil olub. Qardaşı Anarı çöldə yerdə uzanmış vəziyyətdə görüb. Ona kimsə bıçaqla xəsarət yetirib. Onları qorxutmaq üçün tapançadan havaya atəş açmaq istəsə də, bilmədən Kamrana tərəf atəş açıb. Yaralanan Kamran əlində bıçaqla kabinetdən çölə çıxıb və bir qədər aralıda yerə yıxılıb. Orxan qardaşının maşınına minib oradan uzaqlaşıblar.
Daha sonra yolda qardaşından onu öz avtomobilinin yanında düşürməyi xahiş edib. Öz maşını ilə evinin yanıdakı gölə gedərək silahı ora atıb və polisə gələrək təslim olub.
İş üzrə şahid ifadələri dinlənilib.
Məhkəmə iclasında Orxan Gərayev ittiham üzrə özünü təqsirli bilməyib.
Zərərçəkmiş şəxsin hüquqi varisi məhkəməyə ərizə təqdim edərək təqsirləndirilən şəxslə barışdığını ona dəymiş ziyanın tam ödənildiyini və şikayəti olmadığını bildirib.
Məhkəmə nəticəyə gəlin ki, irbitai istintaq orqanı tərəfindən Orxan Gərayev əməli CM-nin 120.2.2-ci ( xuliqanlıq niyyəti ilə qəsdən adam öldürmə), 221.3-cü ( xuliqanlıq silahda qismində əşyalar tətbiq edilməklə törədildikdə) və 228.1-ci ( qanunsuz olaraq odlu silah əldə etmə, saxlama və ya satma) maddədləri ilə düzgün tövsif olunub.
Sonda Bakı Ağır Cinayətlər Məhkəməsinin hökmü ilə Orxan Gərayev 18 il müddətinə azadlıqdan məhrum olunub.
Hökümdən apellyasiya şikayəti verilib və Sumqayıt Apellyasiya məhkəməsinin qərarı ilə hökm dəyişdirilərək 11 il 6 aya endirilib. (Ölkə.Az)
Xəbərdən istifadə edərkən istinad etmək vacibdir.
