İşgəncələrə Qarşı Azərbaycan Komitəsinin sədri, hüquq müdafiəçi Elçin Behbudov Sumqayıt şəhər Polis İdarəsində monitorinq keçirib.

 Bu barədə APA-ya məlumat verən hüquq müdafiəçisi bildirib ki, idarənin müvəqqəti saxlanma yerinə baxış keçirib: "Orada 17 nəfər şəxs saxlanılırdı. Saxlanılan şəxslərin hər birini ayrı-ayrılıqda dinlədim, onların heç bir şikayəti olmadı. Saxlanmadan və onlara qarşı rəftardan şikayət etmədilər”.

 E. Behbudov daha sonra idarənin rəisi, polis general-mayoru Sahib Mirzəyevlə görüşüb: "Polis rəisi dedi ki, Sumqayıtda kriminogen durum tam nəzarət altındadır. Şəhər polisin nəzarətindədir və vətəndaşların hüquqları polis tərəfindən qorunur”.