"Mahir Şükürov yenə komandadan ayrı məşq edir”. 

Bu sözləri Türkiyənin "Karşıyaka” klubunun baş məşqçisi Ayhan Akman deyib. Millimizin üzvü Mahir Şükürovun "Karşıyaka”dakı taleyi barəsində danışan Akman qeyd edib ki, futbolçunun 6 ay maaşını ala bilməməsi onu maraqlandırmır: 

"O, mənim problemim deyil. Mən komandanın oyununa cavabdehəm. Şükürovun "Karşıyaka”dan ayrılmaq ehtimalı daha çoxdur. Mahir komandanın məşqlərinə buraxılmır. Onu heyətdən kənarlaşdırandan sonra ayrıca məşq edir. "Karşıyaka”da qalıb-qalmayacağı tam müəyyənləşməyib. Amma indiki vəziyyətdə komandadan uzaqlaşdırılacağı daha inandırıcı görünür”.  (hafta.az)