Azərbaycanın üç yunan-Roma güləşçisi Bakıda keçirilən U-23 Avropa çempionatında yarımfinala yüksəlib.
Xeberle.com xəbər verir ki, Rəşad Məmmədov (55 kiloqram), Ziya Babaşov (63 kiloqram) və Xasay Həsənli (77 kiloqram) finala vəsiqə uğrunda mübarizə aparacaqlar.
R. Məmmədov gürcüstanlı Giorgi Toxadzeni, Z. Babaşov israilli Abere Feteneni, X. Həsənli isə Rumıniyalı Aleksandrin Qutunu sınağa çəkəcək.
Bu gün xalça üzərinə çıxan digər Azərbaycan güləşçilərindən Laçın Vəliyev (87 kiloqram) təsnifatda, Sərxan Məmmədov (130 kiloqram) isə 1/4 finalda uduzub.
Qeyd edək ki, Avropa çempionatına mayın 24-də yekun vurulacaq.
Xəbərdən istifadə edərkən istinad etmək vacibdir.
