Topaz Premyer Liqasının autsayderlərindən olan "Sumqayıt” artıq gələn mövsümün planlarını qurmağa başlayıb. Klubdan verilən məlumata görə, "gənclik şəhəri” təmsilçisi yay təlim-məşq toplanışını ölkə xaricində keçirəcək.
"Sumqayıt”ın yay hazırlığı üçün Türkiyəyə yollanacağı, demək olar ki, dəqiqdi. Sadəcə, rəhbərlik komandanın hansı məkana yollanacağını hələ müəyyənləşdirməyib. Ötən il olduğu kimi, komandanın Kartəpəyə getmə ehtimalı daha çox görünür. Məkan bəlli olmadığından, toplanışın hansı tarixdə baş tutacağı ilə bağlı qərar da verilməyib.
Qeyd edək ki, "Sumqayıt” Premyer Liqada sona iki tur qalmış 25 xalla turnir cədvəlinin 8-ci pilləsində qərarlaşıb. (apasport.az)
Xəbərdən istifadə edərkən istinad etmək vacibdir.
