Azərbaycanda daha bir futbol ilinə yekun vuruldu. Premyer Liqada sona bir neçə tur qalmış 2 medal sahibini tapmışdı. Yalnız bürünc medalın kimə qismət olacağı rəsmiləşməmişdi. Buna da Qəbəldə keçirilən matçda aydınlıq gəldi və meydan sahibləri 3-cü yeri özlərinə təmin etdilər.
Bu medal cari mövsümdə ümumiyyətlə, klubun qazandığı 9-cu mükafat idi. Cari çempionatda əvəzedicilərin yarışını və 9 uşaq liqasındakı komandaların nəticələrini də hesablasaq, "Qəbələ” bu mənada hamını üstələyir. Belə ki, "qırmızı-qaralar”ın aşağı yaş qrupu üzrə komandaları cari mövsümdə ümumilikdə 8 dəfə "ilk 3-lüy"ə düşüblər.
Bu mənada ən çox fərqlənənin 2-ci komanda olan "Neftçi”nin aktivində 8 medal var. Adıçəkilən komandaların qazandıqları qızıl sayı bərabər olsa da, gümüş medalların miqdarında əyalət təmsilçisi rəqibindən 2 vahid çoxdu.
Maraqlı məqam odu ki, son 2 ildə Premyer Liqanın qalibi olmuş "Qarabağ” cəmi 1 medala sahib olub. Bu da U-16 liqasında qazanılandı. Siyahının son pillələrində isə AZAL və "Sumqayıt”dı. Adıçəkilən komandalar 9 turnirin heç birində "ilk 3-lüy"ə düşə bilməyib:
(futbolinfo.az)
komandalar qızıl gümüş bürünc cəmi
1 "Qəbələ" 2 4 3 9
2 "Neftçi" 2 2 4 8
3 "İnter" 2 2 1 5
4 "Bakı" 2 - 1 3
5 "Qarabağ" 2 - - 2
6 "Simurq" - 2 - 2
7 "Xəzər Lənkəran" - 1 1 2
8 AZAL - - - -
9 "Sumqayıt" - - - -
Xəbərdən istifadə edərkən istinad etmək vacibdir.
