Bugünlərdə Latviyanın paytaxtında Riqa Texniki Universitetinin təşkilatçılığı ilə V Beynəlxalq açıq şahmat festivalı keçirilmişdir. Yarışlarda dünyanın 38 ölkəsindən 199 qadın və kişi şahmatçı iştirak edirdi ki, onlardan da 35 nəfəri beynəlxalq dərəcəli qrossmeyster, 109 nəfəri isə digər yüksək titullu şahmatçılar idi. Yarışların 4 turu FİDE reytinqi əsasında klassik şahmat üzrə keçirilmişdir.

Beynəlxalq reytinqinə görə 99-cu olan beynəlxalq dərəcəli sumqayıtlı qrossmeyster Zeynəb Məmmədyarova bu yarışlarda inamla oynayaraq və idmançı qətiyyəti göstərərək, özünün ABŞ, İngiltərə, Rusiya, Hollandiya və Latviyadan olan güclü rəqiblərinə qalib gələrək və bir oyunu heç-heçə başa vuraraq, 9 oyundan 5,5 xal toplamış və turnirin ilk onluqlarında qərarlaşmışdır. Bununla da o, reytinqini daha 20 punkt yüksəltməyə nail olmuşdur. Fərəhli haldır kli, Zeynəb Məmmədyarova qadınların yarış cədvəli üzrə II-IV yerlərı bölüşdürərək, festivalın gümüş medalına layiq görülmüşdür.

Turnirdə Zeynəbin kiçik bacısı, Azərbaycan və Avropa çempionu, beynəlxalq dərəcəli qrossmeyster Türkan Məmmədyarova da öz qüvvəsini sınamışdır. 

Xeberle.com
Orxan MƏMMƏDZADƏ