Afrika təmsilçiləri qrupda ikinci pilləyə yüksəlirlər.

Braziliyanın Portu-Aleqri şəhərinin “Beyra-Rio” arenasında “H” qrupunun ikinci turunun ikinci oyununda Cənubi Koreya Əlcəzair ilə üz-üzə gəldi.

Oxu.Az xəbər verir ki, maraqlı və sürətli keçən qarşılaşmada afrika komandası 4:2 hesabı ilə qələbə qazandı. 

Əlcəzairlilər oyunun taleyini elə ilk hissədə həll etdilər.

26-cı dəqiqədə İslam Slimani qapıçı ilə təkbətək mübarizədən qalib ayrılaraq oyunda hesabı açdı. 2 dəqiqə sonra Rafiq Aliş künc nöqtəsindən ötürməni başla dəqiq zərbə ilə tamamlayaraq əlcəzairlilərin üstünlüyünü iki topa çatdırdı.

38-ci dəqiqədə isə Abdulmumen Dzabu 3-cü topu koreyalıların qapısından keçirdi.

İkinci hissənin koreyalılar daha fəal başladılar. Bunun nəticəsi kimi 50-ci dəqiqədə Son Xın Min topu qapıçının ayaqları arasından keçirərək hesab arasındakı fərqi azaltdı. 

Bu qoldan daha da ruhlanan koreyalılar hücuma atıldılar və müdafiəni unutdular. Bundan məharətlə istifadə edən afrikalılar isə 4-cü qollarını vurdular. Yasin Braimi fərqləndi. 

Koreya yığması isə təslim olmağı fikirləşmirdi. Hücumlarını daha da kəskinləşdirən asiyalılar 72-ci dəqiqədə daha bir qol vurdular. Qu Ça Çxol şansını qaçırmadı. Düzdür 

Bu qol həmçinin sonuncu oldu.

Əlcəzair yığması ilk üç xalını qazanaraq qrupda ikinci pilləyə yüksəldilər.

Koreyalılar isə ilk növbədə belə bir oyuna görə alqışlamaq lazımdır. Onlar 0:3, və hətta 1:4 hesabı ilə geridə olmaqlarına baxmayaraq ruhdan düşmədilər və əzmkar oyun nümayiş etdirdilər. Məğlubiyyətə baxmayaraq onların aktivində 1 xal var (Rusiya ilə heç-heçə) və qrupdan çıxmaq üçün az da olsa şansları qalır.