"Dinamo"nu titulla tərk etmək istəyirəm. Klub və azarkeşlər buna layiqdirlər".
Qol.az-ın məlumatına görə, bu sözləri Almaniyanın Şimal Şərq Regional Liqasında çıxış edən Berlin "Dinamo”sunun hücumçusu Rüfət Dadaşov deyib.
Bir neçə gün öncə 3-cü Bundesliqa təmsilçisi "Proyssen"lə 2 illik müqavilə bağlayan azərbaycanlı futbolçu Almaniya mətbuatına açıqlamasında qərarını bu cür izah edib:
"Açığı, qərar vermək mənim üçün elə də asan olmadı. Burada əla vaxt keçirmişəm. Özümü "Dinamo"da çox rahat hiss edirəm. Ancaq karyera baxımından bu addımı atmalı idim. Yenidən Azərbaycan millisinə dəvət almaq üçün daha yüksək səviyyəli çempionatda gücümü sınamaq istəyirəm".
Qeyd edək ki, Rüfət Dadaşov Azərbaycan millisində almaniyalı sabiq baş məşqçi Berti Foqtsun vaxtında çıxış edib və 16 oyunda 4 qol vurub.
Xəbərdən istifadə edərkən istinad etmək vacibdir.
