İspaniya vergi orqanları İtaliyanın "Yuventus" klubunun futbolçusu Kriştiano Ronaldonu cərimələyib.
Xeberle.com Yeniavaz.com-a istinadən xəbər verir ki, hücumçu pul cəzasını ödəməyi qəbul etdiyi üçün həbs olunmayacaq.
Portuqaliyalı futbolçu faiz və məhkəmə xərcləri ilə birgə İspaniya xəzinəsinə 19 milyon avro ödəyəcək.
Qeyd edək ki, Kriştiano Ronaldo 2011-2014-cü illər ərzində 14,7 milyon avro məbləğində vergidən yayınıb.
2009-cu ildən "Real Madrid"də çıxış edən Ronaldunun iyulun 10-da "Yuventus"a transferi açıqlanıb.
Xəbərdən istifadə edərkən istinad etmək vacibdir.
