Arzuları yarımçıq qalsa da, onlar ən ümdə arzusularına çatdılar:
"Vətən torpağını azad etmək, Şərəflə ölmək!”.Vətəni hər kəsdən, hər şeydən üstün tutan İgidlər üçün şərəfli ölümdən uca heç nə yox idi. Dedilər:
"Əsl insan Kişi kimi dünyaya gəlir, KİŞİ kimi də şərəflə olərək dünyanı tərk edir”. Elə söylədikləri kimi də etdilər bizim Vətən oğulları!!
(Yazı Şəhidlərimizin Sumqayıt Şəhidlər Xiyabanında dəfn olunma ardıcıllığı ilə verilib).
-------------------------------------
BAYRAMOV SƏLİMXAN VÜQAR oğlu
(Əsgər)
Əslən Qərbi Azəbaycanın Amasiya rayonundan olan 22 yaşlı qəhrəmanımız SƏLİMXAN VÜQARoğluBAYRAMOV 13 iyul 1998-ci ildə Sumqayıt şəhərində dünyaya gəlib. 2005-ci ildən Təbiət Təmayüllü Elmlər Liseyində təhsil almağa başlayıb, 2009-cu ildən təhsilini Sumqayıt şəhər 3 saylı tam orta məktəbdə davam etdirib. Dərslərdən əlavə, o, "Araz” kurslarında ingilis dilindən məş ğə lə lərə gedib və kursu uğurla bitirdikdən sonra Sertifikat alıb.
Səlimxan Bayramov 2015-2019-cu illərdə Gürcüstan Döv lət Texniki Universitetinin "Biznesin əsasları” fakültəsində təhsil alıb.
---------
Səlimxan deyib-gülən, dəcəlliyi və şıltaqlığı ilə diqqət çəkən, hər kəslə asanlıqla ün siy yət qurmağı bacaran, istənilən vəziyyətdə mühitə tez adaptasiya olan və daima hərəkətli, qaynayıb-qarışan, aktiv uşaq olub. Bir yerdə sakit durmazdı, elə məktəbdə də. Anası hər dəfə tənbeh edəndə deyərdi, "a bala, Səlimxan, bir az sakitləşmək lazımdır, sən axı böyümüsən”.O isə cavabında, "ay ana, bu, artıq mənim qanımdadır, nə edim axı..”de yərdi və gülümsəyərdi.
Hələ məktəbdə oxuduğu illərdə müəllimlərinin se vim lisi olan Səlimxan, dərslərində də fəal olub, sayılıb-seçilib.
Səlimxan çox pozitiv, şən, həyata bağlı, həyat eşqli, zarafatcıl, həmçinin gözündə qorxu olmayan, istədiyinə nail ol ma yınca əl çəkməyən, dinclik tapmayan bir gənc idi. O dərəcədə gülərüz və zarafatcıl idi ki, qanıqara insanın belə, onunla ünsiy yətdən sonra əhval-ruhiyyəsi düzələrdi. Maraq dünyası, əksər gənclər kimi, gəzmək, əylənmək, dünyanı qarış-qarış gəzib görmək idi, yəni səyahət etmək. Avtomobilə hədsiz marağı vardı. Nə vaxtsa işləyib pul qazanıb, ilk növbədə maşın almağı düşünürdü.
Səlimxan nə qədər mehriban, deyib-gülən olsa da, güclü xarakterə malik idi. Heç vaxt heç kimin yanında özünü sın dır maz, kürəyini yerə verməzdi. Həddən artıq qürürlu, ləyaqətli, vüqarlı, əyilməz, gözü, könlü tox idi!
Səlimxan Bayramov dəblə ayaqlaşmağı sevərdi. Nə alardısa, zövqlə seçərdi. "Ucuz malın dəyəri olmaz”deyərdi. Hər şeyin ba hasına və yaxşısına qaçardı.
Gözəl xasiyyətinə görə, gəncin çoxlu dostları vardı. Dostluqda sədaqət, etibar, güvən onunçün onəmliydi.
S.Bayramov 2019-cu ilin 28 oktyabr tarixində Sumqayıt Şəhər Hərbi Komissarlığından həqiqi hərbi xidmətə çağrılır. Vətən qarşısındakı borcunu yerinə yetirmək üçün xidmətə yola düşərkən hər kəslə görüşən Səlimxan babasına deyir: "Baba, bax gör, indi mən Qarabağı alıram, ya yox!”.Baba da nəvəsinin tərsliyini və inadkarlığını bildiyindən, gülümsəyərək "baxarıq” deyə cavab verir.
S.Bayramov əvvəlcə Sumqayıt şəhər H.Z.Tağıyev qəsəbəsindəki "N” saylı hərbi hissədə təlimlərə başlayır. Andiçmə mərasimindən sonra, 2020-ci ilin yanvar ayından Qusar rayonunda yerləşən "N” saylı hərbi hissədə 4-cü tabor pulemyotçusu kimi, xid mətə davam edir.
Gözəl xasiyyətinə, hər kəslə tez ünsiyyətə girmək qabiliyyətinə, mehribanlığına, səmimiyyətinə görə, Səlimxan xid məti dövründə də zabitlərin, əsgər yoldaşlarının hörmət və rəğbətini qazanır, hər kəsin sevimlisinə çevrilir. Rəhbərliyin verdiyi tapşırıqları çevik və düzgün yerinə yetirdiyinə görə, yoldaşlarından fərqlənir.
AİLƏ:Səlimxan Bayramov 1915-ci ildə Bakının azad olunması uğrunda mübarizə aparan, Nuru Paşanın ordusunda vuruşan babası Səlimxan Bayramovun nəslindən idi. O, öz nəsil-kökü ilə hər zaman qürur duyardı.
Bayramovlar ailəsi ata, ana, üç qardaş və bir bacıdan ibarət olub. Bu ailədə daima mehribançılıq, hüzur olub. Uşaqlar böyüyə hörmət, Vətənə məhəbbət, kimsəsizə, imkansıza qayğı ruhunda tərbiyə alıblar.
"Düzgün tərbiyə xoş bəxt ailənin təməlidir” deyirlər. Elə Bayramovlar ailəsində də təlim-tərbiyə, nizam-intizam, qayda-qanuna riayət ön planda olub.
Gənc əsgərin hərbi xidmətini bitirib evə dönməyinə cəmi 3 gün qalmışdı... Lakin...
Sentyabrın 27-si Səlimxan sübh tezdən atasına telefonla mesaj yazır: "Sağ-salamat qa lın, biz gedirik... Vətən bizə əmanətdir”.
Müharibə başlanan gündən – 27 sentyabr 2020-ci il tarixdən igid əsgər Səlimxan Bayramov Vətən torpaqlarının düşmən əsarətindən azad olunması uğrunda gedən döyüşlərə qatılır. O, "Motoatıcı” alayın pulemyotçusu kimi, Füzuli, Cəbrayıl, Xocavənd, Zəngilan ra yon la rın da düşmənin məhv olunmasında misilsiz şücaət göstərir. Döyüşlərin birində cəsur döyüşçü iki döyüş yoldaşı ilə birlikdə erməni təcavüzkarlarından əhə miy yət li postu ələ keçirir. Və dərin hisslərlə bağlı olduğu doğma şəhəri Sumqayıtın adını o posta verir.
Qəhrəmanımız Səlimxanın, yaşı az olsa da, artıq ni şan lanmışdı. Valideynlərin onunla bağlı tükənməz arzuları var idi. Bütün ailə tezliklə onun xidməti başa vurub evə gələcəyi günü səbirsizliklə göz ləyirdi. Səlimxana layiqli, gözəl bir toy məclisi qurmaq istəyirdilər...
Oktyabrın 19-da səhər saat 9-un yarısı Səlimxan başqa bir nömrədən atasına zəng edir. Təngnəfəs danışırdı. Ata, "niyə tövşüyürsən, a bala?”soruşanda, "ata, dağa çıxırıq”deyir. "Nə dağ?”,– ata təəccübünü gizlətmir. Deyir: "Hər şey yaxşıdır... aşağıda bizi qo ruyurlar, biz yuxarı çıxırıq, ona görə tövşüyürəm, narahat olma..”.Əlaqə kəsilir. Bu, qəhrəmanımızın əzizlərilə sonuncu da nı şığı olur...
Səlimxan silahdaşları ilə birlikdə hər dəfə yeni bir postu alanda ona ad qoyurdılar. Əməliyyatlar zamanı alınan 3 posta "Sumqayıt” adını vermişlər.
Oktyabrın 19-u 2020-ci il tarixdə Xocavənd ra yo nu nun Düdükçü kəndinin azad olunması uğrunda gedən döyüşlərdə cəsur döyüşçü şücaəti ilə mərdlik, qəhrəmanlıq, igidlik sim vo luna çevrilir. Qızğın döyüşlər zamanı onun qarşısında kimsə dayana bilmir. "Üçtəpə” deyilən ərazidə, təəssüf ki, rəşadəti, hünəri ilə Şəhidlik Zirvəsinə ucalır qeyrətli Vətən oğlu! Şə ha dəti ilə əbədiyyətə qovuşur İgidimiz! Qanı ilə silinməz tarix yazan qəhrəmanımıza, Allahın seçilmiş bəndəsi olaraq, Cən nətin qapıları açılır...
Vətən müharibəsində Səlimxanın şəxsi şücaətlərini saymaqla qurtarmaz. Sosial şəbəkələrdə "canavar” ifadəsinin müəl lifi olan Səlimxan o dönəmdə dillər əzbəri olur: "Biz burdayıq! İşğal altında olan torpaqlarımızı alacağıq, tabor komandirimizlə bir yer də! Canavarlar, irəli!”.Bu idi Səlimxan, yalnız irəli baxan, irəli atılan qorxmaz Cəngavər!!!
Azərbaycan Ordusunun igid, cəsur döyüşçüsü Səlimxan Bayramovun 21 oktyabr 2020-ci il tarixdə Sumqayıt Şəhidlər Xiyabanında dəfn olunur.
Bu gün qəhrəmanlığı ilə adını doğma Vətənin Zəfər tarixinə silinməz mürəkkəblə yazan igidimiz Səlimxan Bayramov illər, əsrlər keçsə də, Azərbaycan xalqının qəlbində daima yaşayacaq! Yenilməz gənc əsgərin şərəfli həyat və döyüş yolu gələcək nəsillər üçün örnək olacaq, Şəhidimizin "Kişilik məktəbi”ndən gənc oğlanlar dərs alacaq! Səlimxanın dediyi kimi:"Kişi KİŞİ olar, KİŞİ kimi də ölər!”.
Azərbaycan Silahlı Qüvvələrinin mərd, qorxmaz, cəsur əsgəri, 22 yaşlı pulemyotçu Səlimxan Valeh oğlu Bayramov ölümündən sonra, Azərbaycan Respublikasının prezidenti İlham Əliyevin müvafiq Sərəncamlarına əsasən, "Vətən uğrunda”, "Füzulinin azad olunmasına görə”, "Cəbrayılın azad olunmasına görə” və"Xocavəndin azad olunmasına görə” medallarıilə təltif olunub.
Ruhun şad olsun, Cənnətməkan Şəhidimiz!!!
--------
MƏHƏRRƏMOV ÜLVÜ TAHİR oğlu
(Leytenant)
Əslən Qubadlı rayonunun Sarıyataq kəndindən olan qəhrəmanımız, igid Vətən oğlu ÜLVÜ TAHİR oğlu MƏHƏRRƏMOV5 iyul 1997-ci ildə Bakı şəhərində anadan olub. 2003-cü ildə Məhərrəmovlar ailəsi Sumqayıt şəhərinə köçəndə balaca Ülvünün 6 yaşı olub. Elə həmin il o, Sumqayıt şəhərində yerləşən Qubadlı rayon Süleyman Rəhimov adına Mahruzlu kənd orta məktəbinin 1-ci sinfinə qədəm qoyub, 2012-ci ildə məktəbi uğurla bi tirib.
M.Ülvü məktəbdə oxuduğu illərdə "Cüdo” idman növü ilə məşğul olub. Respublikanın Əməkdar məşqçisi Sahib İsmayılovun tap şırıqlarını diqqətlə dinləyib, düzgün və cəld yerinə yetirməyə çalışıb. Fəal, çevik, qıvraq, hərəkətli olması məşqçinin nə zərindən qaçmayıb. O, Ülvüdə yüksək enerji və potensialın olduğunu görüb və onun bir çox uğurlara imza ata ca ğı na inanıb. Ü.Məhərrəmov qazandığı nailiyyətlərə görə say sız-hesabsız Fəxri-Fərman, Diplom və medallarla təltif olunub. Yuxarı siniflərdə oxuyanda dərs yükünunn çoxluğundan və ağırlığından o, məşqləri saxlamalı olub.
Hələ uşaq yaşlarından hərbiyə marağı olan, nə vaxtsa hərbiçi olmaq arzusu ilə yaşayan Ülvü Məhərrəmov 2012-ci ildə 9-cu sinfi bitirdikdən sonra, sənədlərini C.Naxçıvanski adına Hərbi Liseyə verir. Arzusuna çatan yeniyetmə, burada da dərslərinə diqqət yetirərək yük sək nailiyyətlər qazanır.
Ü.Məhərrəmov 2015-ci ildə sənədlərini Hey dər Əliyev adına Azərbaycan Ali Hərbi Məktəbə verir. "Tələbə” adını qazanan gəncin sevincinin həddi-hüdudu ol mur.
Ülvü uşaq olanda, atası və əmisi Mirzə Bayram oğlu Məhərrəmov Azərbaycanın bütövlüyü uğrunda gedən Haqq savaşında - I Qarabağ müharibəsində iştirak etmişdilər. Qu badlı və Laçın rayonlarının düşməndən təmizlənməsi uğrunda gedən döyüşlərdə iştirak edən əmi, elə o zaman itkin düşmüşdü. Bu itki bütün ailəni sarsıtmışdı.
O zaman 3-4 yaşlarında olan Ülvü, evdə olan söhbətlərdən uşaq ağlı ilə nəticə çıxararaq deyərdi ki, "əminin də qanını mən alacam, gedib Qubadlını da mən alacam...”.Az yaşlı uşağın dilindən çıxan bu kəlmələrə gülümsəyər, "afərin, ağıllı bala, inşallah”deyərdilər. Kimsənin də ağlına gəlməzdi ki, bir za man lar şirin danışığı ilə, gözəl ifadələrlə fikrini aydın çatdıran bu kiçik uşaq zamanı gələndə nələr edə bilər, nələrə qadir olar...
İllər ötdükcə, Ülvü böyüyür, arzuları da artırdı... Xoş xasiiyyətli, mehriban, ünsiyyətcil olduğundan, ətrafında dostlarının sayı da çoxalırdı. Hər bir anını dəyərləndirən gənc, imkan tapan kimi, idmanla məşğul olardı. Sağlamlıq baxımından, bədənin formada qalması üçün sübh tezdən qaçışa üstünlük verər, musiqi dinləyərək idman etməyi sevərdi. Daha çox rep musiqisinə qulaq asardı.
Ülvünün anası Xatirə xanım kitabxanaçı olduğundan, evdə xeyli kitablar vardı. Ülvü fürsət düşdükcə, bu kitabları oxu yardı. Əslində o, uşaqlıqdan mütaliəni sevmişdi. Özü də rastına maraqlı kitablar çıxanda alıb evə gətirər, anasına ve rərdi ki, "sən də oxu, saxla”.Ülvünün zəngin dünyagörüşlü, güclü xarakterə malik olmasında bu kitablar önəmli rol oynamışdı. Ən çox Elxan Elat lnın və xarici yazarların detektiv əsərlərini oxuyardı.
AİLƏ:Ülvü zəhmətkeş, ziyalı bir ailədə dünyaya gəlmiş, boya-başa çatmışdı. Özündən böyük bacısı Ülvüyyə ilə dost, sirdaş idi. Sonralar bacı ailə həyatı qurur. Bacının övaladlarının – Ağalar və Əfruzənin dünyaya gəlişləri ilə "dayı” olan Ülvünün sevinci yerə-göyə sığmır. Təəssüf ki, Xatirənin həyata gəlişini görmək gənc dayıya nəsib olmur...
Ülvü Məhərrəmov zaman-zaman böyüdükcə Vətən sevgisi ilə bərabər, Torpaq, Bayraq, Millət sevgisi də artmağa başladı. Bu sevgi o qədər böyük idi ki, onun kiçik köksünə belə sığmırdı. Özünə "Qubatlinski” ləqəbi gö tü rə rək, sosial şəbəkələrdə aktiv olan gənc, Qubadlı torpağını görməsə də, dədə-baba yurd yerlərinə sonsuz sevgisi vardı. Bir gün əmisinin intiqamını almaq, torpaqlarımızı işğaldan azad etmək, Mü bariz İbraimov kimi qəhrəman olmaq arzusu ilə yaşayırdı...
Ana:"Liseyə imtahan verməyə gedəndə dəftərinin ucuna bir yazı yazıb, kitabının arasına qoyub, atası ilə evdən çıxdılar. Maraq məni bürüdüyündən, dəftəri götürüb baxdıb, onun yazdığına ürəkdən "AMİN” dedim...”.
Ülvü xaraktercə çox ciddi idi. Əsl hərbiçi xarakteri var idi onda. Düz qaməti, uca boyu diqqəti çəkirdi. Hərbiçilik sanki boyuna biçilmişdi bu, yaraşıqlı oğlanın. Hər zaman üst-başı, paltarları tərtəmiz olardı. Geyim-geciminə fikir verən, səliqə-sahmanlı, nizam-intizamlı gənc, for mada olmağa çalışardı.
01.08.2015-ci il tarixdə Sumqayıt şəhər SHXÇDX tərəfindən hərbi xidmətə çağrılan, Ü.Məhərrəmov "N” saylı hərbi hissənin 1-ci taborunun 1-ci bölüyünün 3-cü taqımının taqım komandiri vəzifəsində çalışır.
Ü.Məhərrəmov 2019-cu ildə ali təhsilini başa vuraraq, "Leytenant” rütbəsi alır. Təyinatı üzrə Beyləqan ra yo nun da yerləşən "N” saylı hərbi hissədə taqım komandiri kimi ilk hərbi fəaliyyətinə başlayır. Gənc hərbiçi 5-10 avqust 2019-cu il tarixində gənc zabitlərlə keçirilmiş toplanış zamanı fərqləndiyinə və yüksək nəticələr əldə et diyinə görə, hərbi hissə komandiri general-mayor Mayis Bərxudarov tərəfindən Fəxri Fərmanla təltif olunur.
Leytenant Ulvü Məhərrəmov 2020-ci ilin iyul ayında baş verən Tovuz döyüşlərinin də iştirakçısı olur. Polad Həşimovun itkisi bütün Azərbaycanı sarsıdan kimi, gənc zabiti də kədərləndirir.
M.Ülvü işində fərqləndiyinə görə, 2020-ci ilin sentyabr ayının əvvəllərində "Bölük komandiri” vəzifəsinə təyin edilir. O, hər zaman gözəl xasiyyəti, savadı, tərbiyəsi, qanacaq-mərifəti, qabiliyyəti ilə rəhbərlik və əsgərlər tərəfindən hör mət və rəğbət qazanır.
27 Sentyabr 2020-ci ildə Vətən torpaqlarının düşmən tapdağından azad olunması ilə bağlı, Ali Baş Komandan tərəfindən əks-hücum əmri verilən andan gənc Ü.Məhərrəmov Füzuli-Cəbrayıl istiqamətində gedən döyüşlərə qatılır. Daha sonra Xo cavənd-Şuşa istiqamətində torpaqların işğalçılardan azad olunmasında iştirak edir. Qubadlıyacan gedib çıxan zabitin bura dan da döyüş yolu keçir və sonradan silahdaşları ilə əvvəlki döyüş zonasına qayıdır.
14 Oktyabr 2020-ci ildə Hadrut rayonunun düşməndən azad olunması uğrunda gedən döyüşlərdə qorxmaz igidimiz cəsarətlə döyüş meydanına atılır, düş mə nin xeyli sayda xüsusi təyinatlısını məhv edir. Döyüş zamanı yaralanmasına baxmayaraq, öz həyatını belə düşünmədən, təhlükə altına ataraq yaralıları döyüş mey danından uzaqlaşdırmağa, əsgərlərini qorumağa çalışır. Sonradan Hadrutda stra teji yüksəklikliyin alınması tapşırığını alan leytenant, tapşırığın yerinə yetirilməsi zamanı bölüyü ilə mühasirəyə dü şür. 2 gün mühasirədə qaldıqdan sonra, düşmən igidlərimizi hədəfə alır. Atılan mərmilərdən bölüyün 15 üzvündən cəmi 2 nəfər sağ qalır. İgidimiz də aldığı soxsaylı qəlpələrdən həyatını itirərək, əbədi olaraq gözlərini yumur. Allahın Seçilmiş bəndələrindən olan qəhrəman oğul ən uca məqama - Şəhidlik Zirvəsinə ucalır...
Azərbaycan Ordusunun mətin zabiti Ülvü Məhərrəmov oktyabrın 21-i 2020-ci ildə Sumqayıt Şəhidlər Xiyabanında dəfn olunur.
Milli qəhrəman Mübariz İbrahimovdan hər zaman güc alan Ülvü Məhərrəmov, bir vaxt imtahana gedərkən düşündüyünü ağ vərəqə yazaraq kitabının arasına qoymuşdu. O vərəq ki, Xatirə xanım təsadüfən görmüş, götürüb oxumuş və "AMİN” demişdi. Ülvü hər kəs dən gizlətdiyi bu vərəqdə qəlbinin çırpıntısını, ən böyük istəyini yazmışdı: "Mən Mübariz kimi, Fərid kimi qəhrəman olmaq istəyirəm”. Azərbaycanın qey rətli oğlu Ülvü Məhərrrəmov qarşısına məqsəd qoydu və sonda məqsədinə də çatdı: Mübariz, Fərid, Polad... kimi Qəhrəman oldu!
Ülvünün hər kəsdən gizlətdi dəftərində yazdığı ürək sözlərindən biri də bu idi: "Ordu generalı olmaq üçün yola çıxdım. İnşallah, olaram. Allah özü mənə kömək olsun!”.
23 il ömür yaşasa da, adı dillər əzbəri oldu Qəhrəmanımızın! Bu gün qazanılan Qələbədə Ülvü Məhərrəmovun da imzası var! Tarixin səhifələrinə adını qanıyla həkk etdi Vətən sevdalı Ülvü Məhərrəmov!
Azərbaycan Silahlı Qüvvələrinin cəsur, qorxmaz, qəlbi Vətən sevgisi ilə alışıb-yanan qeyrətli oğlu, 23 yaşlı zabit – leytenant Ülvü Tahir oğlu ölümündən sonra, Azərbaycan Respublikasının prezidenti İlham Əliyevin müvafiq Sərancamlarına əsasən, "Vətən uğrunda”, "Cəsur döyüşçü”, "Xocavəndin azad olunmasına görə”və"Şuşanın azad olunmasına görə” medalları ilə təltif olunub.
Ü.Məhərrəmov Ölkə Rəhbərinin digər Sərəncamları ilə, 3-cü dərəcəli "Rəşadət” ordenivə"Füzulinin azad olunmasına görə” medalı ilə təltif edilib.
Ruhun şad olsun, Cənnətməkan Şəhidimiz!
-------------------------------------
ƏLİYEV SƏRXAN iSLAM oğlu
(Əsgər)
SƏRXAN İSLAM oğlu ƏLİYEV16 yanvar 1998-ci ildə Sumqayıt şəhərində dünyaya gəlib, Sumqayıt şəhər 38 saylı uşaq bağçasında tərbiyə alıb.
Sərxanın babası Cəmil Əliyev II Dünya müharibəsində iştirak etmiş, xeyli sayda medallar qazanaraq, Qələbə müjdəsi ilə geri dönmüşdür. Sərxan uşaq ikən babasının medallarını yaxasına taxar və deyərdi: "Mən də babam kimi qəhrəman olacağam!”.Sərxan Əliyev elə bu arzu ilə böyüyür...
S.Əliyev 2004-2015-ci illərdə Sumqayıt şəhər "Təfəkkür” liseyində və 13 saylı tam orta məktəbdə təhsil alıb.
Mütaliəni sevən Sərxan çoxlu kitablar oxuyar, müharibəyə həsr olunmuş filmlərə maraqla baxardı. O, 8-ci sinifdə oxuyanda Ələmdar Quluzadənin "614-cü şəhid” ki ta bı nı alıb oxuyur. Şeir və poemalardan ibarət olan bu kitab onun ən sevdiyi, stolüstü kitabı olmaqla yanaşı, həyatında önəmli rol oynayır. Dini kitabları da sevərək oxuyar, bu kitablarda qəlbinin dərinliyində yaranmış suallara cavablar axtarardı.
Sərxan bir neçə idman növü ilə məşğul olurdu. Əksər oğlanlar kimi, fut bol azarkeşi idi. Bir oyunu da gözdən qaçırmazdı. Onda rəsm çəkmək qabiliyyəti də vardı. Rəsmləri ilə hər kəsi heyran qoyardı.
Sərxan komüterdə dərsləri ilə məşğul olmaqla yanaşı, xarici dövlətlərlə döyüş (snayper) oyunlarına qoşular, bu zaman özünü döyüş meydanında qəhrəman kimi hiss edərdi.
S.Əliyev hərbiçi olmaq arzusunu reallaşdırmaq üçün, 2013-cü ildə sənədlərini H.Əliyev adına Hərbi Liseyə verir, lakin burnunda problem olduğuna görə, sənədləri geri qaytarılır. Və o, yenidən təhsilini oxuduğu məktəbdə davam etdirməli olur.
Şərxanın atası İslam müəllim Qərbi Azərbaycandan olduğu üçün, o, çox vaxt atasından soruşardı: "Ata, siz bu cür gözəl yerləri niyə düşmənə veribsiniz?”. Ata da Azərbaycan xalqının başına gətirilən müsibətlərdən, məşfur qonşuların bəd əməllərindən danışar, oğluna tarixi həqiqətləri anlatmağa çalışardı. Bu zaman Sərxanın bir sözü olardı: "Mən böyüyəndə düşmənə qan udduracağam!”.
Hər dəfə Xocalı faciəsi ilə bağlı sujetlərə baxdıqda, Çingiz Mustafayevin qucağındakı körpə Laləni gördükdə, de yirdi: "Mən bu qisası onlardan mütləq alacağam! Bu qanı yerdə qoyan deyiləm!”. Körpə Lalənin Əliyevlərlə qohumluğu vardı. Belə ki, Lalə Sərxanın nənəsinin bibisi nəvəsi idi. Ana tərəfin nəsli hadisələr zamanı çox sayda itki vermişdi.
2015-ci ildə orta məktəbi bitirən Sərxan Əliyev, onu qarşıda nələr gözləyəcəyindən xəbərsiz halda, həyatın enişli-yoxuşlu yol la rına qədəm qoyur.
AİLƏ:Əliyevlər ailəsi əslən Qərbi Azərbaycanın Cermux şəhərindəndilər. 1988-ci ildə Sumqayıt şəhərinə gəlib, sonrakı ta lelərini bu gənc şəhərlə bağlayıblar. Ata, ana və üç oğuldan ibarət olan ailənin öz qayda-qanunları, nizam-intizamı olub. Hörmət və ehtiramın, mehribanlığın hökm sürdüyü belə bir ocaqda böyümüşdü qəhrəman oğul.
2016-cı ilin yanvar ayının 23-də Sərxan Əliyev, Vətən qarşısındakı borçünü yerinə yetirmək üçün, həqiqi hərbi xid mətə - Goranboy rayonunda yerləşən "N” saylı hərbi hissəyə göndərilir. Baş atıcı olan S.Əliyev vaxtından da artıq ön xətdə - Ağdam rayonunda xidmət edir. O, Aprel döyüşlərində iştirak edən zaman ayağından yara lanır. Sonradan tərxis olunmağına baxmayaraq, elə hey deyir: "Bizim Şəhidlərimizin qanını, Xocalının qi sa sını söz verirəm ki, alacağam! Almalıyam da!”.
S.Əliyev 2016-cı ilin aprel ayının 1-dən 2-nə keçən gecə, Aprel döyüşləri başlayan gündən hərbi xidmətini başa vurana qədər düş mənlə üzbəüz, ön cəbhədə qulluq edir. 2017-ci ilin iyul ayında həqiqi hərbi xidməti başa vurub evə döndükdən sonra, bir müddət iş axtarışında olur. 2018-2019-cu illər arası bərbər işləyir. Bər bər lik kursunu bitirməsə də, bu sənəti usta yanında fərdi şəkildə öyrənir.
Dostluğa dəyər verən Sərxan özü də dostcanlı idi. Əhatəsində də gözəl qəlbi, ağıllı-kamallı, qeyrətli, vətənpərvər, imanlı gənclər olub. Bir yerdə xeyirxah işlərlə məşğul olar, boş vaxtlarda gəzntiyə çıxar, idman yarışları təşkil edərdilər.Dostlar "Velo siped” qrupu yaratmışdılar. Hətta bu, velosipedçilər qrupunun üzvləri 2020-ci ilin iyul ayında baş verən Tovuz döyüşləri zamanı qəhrəmancasına həlak olan Azərbaycanın Milli qəhrəmanı, general-mayor Polad Həşimovun dəfni günü əllərində bayraq Sumqayıtdan Fəxri Xiyabana qədər yürüşə çıxmışdı. Sərxan qardaşı İlhamla qəhrəmanın məzarı önündə and içirlər: "Qanın yerdə qalmayacaq, cənab general!”.Dəfndən qayıtdıqdan sonra, hər iki qardaş Hərbi Komissarlığa yollanır və adlarını könüllülərin siyahılsına yazdırırlar.
Sərxanın dinə olan həvəsi, bağlılığı hüdudsuz idi. O, 2019-cu ildə anası ilə Kərbala zi ya rətinə gedir Yolboyu zəvvarlarımız Azərbaycan bayrağı götürürlər. Vətən bayrağını şəstlə aparanlardan biri də Sərxan olur.
Kərbalaya çatana yaxın çox yo rul duğundan bir yer tapıb uzanır, bayrağı üstünə sərir və yanındakı bir qardaşdan soruşur: "Bax, gör, Şəhidə ox şa yıram?”.Yanında olan yoldaşlar da zarafatla bildirirlər ki, "Allah sənə Şəhidlik qismət eləsin!”. Sərxan gülümsəyir, lakin bir söz demir... Ziyarətə yaxınlaşan vaxt Sərxan qoynunda saxladığı üçrəngli Azərbaycan bay ra ğını çıxardır, ona bürünərək deyir:"Ən böyük arzum budur ki, Şəhid olum! Allah bunu mənə qismət eləsin”. Bu, Vətən sevdalı bir gəncin ən böyük arzusu olur...
2020-ci il sentyabr ayının 21-i ön cəbhəyə getmək üçün könüllü yazılan Sərxan Əliyev ilk çağırışdan Qusar rauonuna təlimə yola düşür. Bir həftəlik tə lim lərdən sonra, sentyabr ayının 27-də II Qarabağ müharibəsinin ilk günündə o, Tərtər istiqamətində gedən dö yüşlərə qatılır.
Sərxan Əliyev Baş atıcı olduğu üçün, Xüsusi Təyinatlı Qüvvələrə qoşularaq, onlarla birlikdə önə, düşmənin üzərinə gedir. O, Tərtər, Ağdam, Füzuli, Cəbrayıl, Xocavənd istiqamətlərində gedən siddətli döyüşlərdə igidliyi ilə ad çıxarır.
Vətən sevdalı cəsur döyüşçü 2020-ci il oktyabr ayının 8-də Füzuli rayonunun azad olunması uğrunda gedən ağır döyüşlərdə misilsiz şücaət göstərir. Vətənin mübariz oğlu Sərxan Əliyev bu savaşda həlak olaraq ən uca məqama - Şəhidlik Zirvəsinə ucalır və adını 44 günlük Vətən tarixinin Şanlı səhifələrinə qanıyla yazır...
Azərbaycanın igid oğlu, cəsur döyüşçü Sərxan Əliyev 21 oktyabr 2020-ci il tarixdə Sumqayıt Şəhidlər Xiyabanında dəfn olu nur.
"İnsan ürəkdən nə arzularsa, Allah onu arzularına qovuşdurar”deyirlər.Cəsur əsgər Sərxan Əliyev cəmi 22 il ömür yaşasa da, bu ömrə arzularını, xəyallarını sığışdıra bildi – arzuladığı ŞƏHİD adını qazanaraq!
Azərbaycan Silahlı Qüvvələrinin mətin, igid əsgəri, 22 yaşlı Baş atıcı Sərxan İslam oğlu Əliyev ölümündən sonra, Azərbaycan Res publikasının prezidenti İlham Əliyevin müvafiq Sərancamlarına əsasən, "Vətən uğrunda” və"Füzulinin azad olunmasına görə”medalları ilə təltif olunub.
Ruhun şad olsun, Cənnətməkan Şəhidimiz!!!
Aygün Hacıyeva,
jurnalist, yazıçı-publisist
---------------
Xəbərdən istifadə edərkən istinad etmək vacibdir.
