Millimizin sabiq baş məşqçisi Qurban Qurbanov AFFA-nın onunla bağlanan müqaviləyə vaxtından əvvəl xitam verməsinə görə təzminat almayıb.
Xeberle.com xəbər verir ki, bu barədə oxu.az-a açıqlamasında millinin sabiq mətbuat katibi Elman Himayətoğlu məlumat verib. Qurban Qurbanovun təzminatdan imtina etdiyi bildirilir.
AFFA-nın İnformasiya və İctimaiyyətlə Əlaqələr Departamenti Firuz Abdulla Unikal.org-a verdiyi açıqlamada imtina ilə bağlı quruma müraciət olunmadığını deyib:
"Milli komandanın sabiq baş məşqçisi Qurban Qurbanov ona ödənilməli olan təzminatdan imtina etməsi ilə bağlı hələ ki, AFFA-ya rəsmi müraciət etməyib.
Buna görə də qaydalara uyğun olaraq, imtina etmədiyi təqdirdə ona təzminat ödəniləcək. Çünki müqavilə müddəti başa çatmamış xitam verilib”.
Qeyd edək ki, AFFA İcraiyyə Komitəsinin ötən həftə baş tutmuş iclasında Qurban Qurbanovla bağlanmış altı illik müqaviləyə xitam verilib.
Xəbərdən istifadə edərkən istinad etmək vacibdir.
