Dünən Sumqayıtda "Sumqayıt"la "Qəbələ" aeasımnda keçirilən yoxlama görüşündə xoşagəlməz olay yaşanıb. 
Rekord.az-a  xəbər verir ki, yoxlama xarakteri daşımasına baxmayaraq, matç çox gərgin və dramatik keçdi.
Bu isə səbəbsiz deyildi ki, 10-cu turun Qəbələdə oynanılan "Qəbələ" - "Sumqayıt" matçında hakim haqsızlığı ilə üzləşən sumqayıtlıar üçün bu oyun prinsipial əhəmiyyət daşıyırdı. Oyunu tribunadan 100-dən artıq azarkeş izləyirdi.
Sözügedən olan isə matçın 40-cı dəqiqəsində yaşanıb. "Qəbələ"nin nigeriyalı futbolçusu Ehiosun Ekiqo sumqayıtlı azarkeşlərin irqçi şüarlarına məruz qalıb.
Belə ki, bir qrup sumqayıtlı azarkeş qara dərili futbolçunun ünvanına "Ebola, Ebola", "Negr"  şüarları səsləndiriblər. Ekiqo isə buna etiraz olaraq formasını çıxardaraq meydançanı tərk edib. Hətta komandanın kapitanı Dodo ona geri qaytarmağa cəhd etsə də bu, mümkün olmayıb. Baş hakim Ömər Paşayev isə formasını çıxardığı üçün futbolçuya sarı vərəqə göstərib. Oyun isə təxminən 5 dəqiqə dayanıb. Yalnız hər iki komandanın futbolçularının və xüsusilə də "Qəbələ"nin baş məşqçisi Dorniel Muntyanunun uzun sürən cəhdlərindən sonra futbolçu meydançaya qayıdaraq oyunu davam etdirib. 

.