Paralimpiya İdman Kompleksində keçirilən "Dünya Azərbaycanlılarının həmrəyliyi günü”nə həsr edilmiş üzgüçülük idman növü üzrə müxtəlif yaş qruplarının oğlan və qızları arasında şəhərin açıq birinciliyi keçirilib. Gənclər və İdman Baş İdarəsinin təşkilatçılığı ilə keçirilmiş yarışda Bakı və Sumqayıtın 7 komandasının 60 dan artıq idmançısı qalib adı uğrundamübarizə aparıb. Tədbirin açılış mərasimində Baş İdarənin rəisi Elşən Baxşəliyev çıxış edərək Azərbaycan Respublikasının Prezidenti cənab İlham Əliyevin ölkədə kütləvi bədən tərbiyəsi və idmanın inkişafına göstərdiyi diqqət və qayğısından, idmanın və bədən tərbiyəsinin Dövlət siyasətinin prioritet qollarından birinə çevrilməsindən, müstəqil Azərbaycanın həm də bir idman ölkəsi kimi Beynəlxalq aləmdə tanınması, və Olimpiya hərəkatına qoşulmasından danışıb. Daha sonra yarış iştirakçılarına uğurlar arzulayaraq yarışı açıq elan edib.
Gərgin idman mübarizəsi şəraitində davam edən yarışda Leyla Abduləzizova (Sumqayıt P.İ.K.), İlahə Rəciyeva (Sumqayıt P.İ.K.), Fatimə Alkərimova (Sərhədçi İ.K.), Almaz Əliyeva (Sərhədçi İ.K.), Fəridə Mikayılova (Sumqayıt P.İ.K.) və Ayan Kələntərəova ("Olimpik Star” İ.K.) qızlar arasında, Osman Allahverdi (Sərhədçi İ.K.), Maksim Petrenko ("Star” İ.C.), Fuad Rəcəbov (Sumqayıt P.İ.K.), Elyar Cahangirbəyov (Sərhədçi İ.K.), Zaur Sarıoğlu ("F-Land” İ.K.) və Məmmədəli Məmmədzadə (Sumqayıt P.İ.K.) oğlanlar arasında bütün rəqiblərini üstələyərək fəxri kürsünün ən yüksək pilləsinə qalxıblar
Yarışda müvafiq yerləri tutan idmançılara Gənclər və İdman Baş İdarəsi tərəfindən Fəxri fərman, medal və hədiyyələr təqdim edilib. 

Xeberle.com