Bakıda Şağan Olimpiya İdman Kompleksində sambo üzrə kişilər arasında Azərbaycan çempionatı keçirilib.

Ölkənin müxtəlif regionlarını təmsil edən 200-ə yaxın idmançı qalıb adı uğrunda mübarizəyə qatılıb. Sambo idman növünün 2015-ci ildə Bakıda təşkil ediləcək Avropa Oyunlarının proqramına daxil edilməsi yarışın daha da önəmli olmasından xəbər verirdi.

Çempionatda şəhər samboçuları müxtəlif əyarlı 8 medal qazanıblar. Belə ki, Röyal Dünyamalıyev (57 kq), Emin Qulamov (68kq) və Azad Zahidov (100 kq) bütün rəqiblərinə qalib gələrək fəxri kürsünün ən yüksək pilləsinə qalxıblar. Digər təmsilçilərimiz Pərviz Şükürov (68 kq) gümüş, Ramil Ramazanov (52 kq), Mehman Xəlilov (57 kq), Murad Rəcəbli (90 kq) və Mətləb Məmmədov (100 kq) isə bürünc medal əldə ediblər.

Qeyd edək ki, Röyal Dünyamalıyevin qalib olduğu 57 kq. çəki dərəcəsi Avropa Oyunlarının proqramına daxil edilmiş çəki dərəcəsidir.


Yarışın qalib və mükafatçıları Gənclər və İdman Nazirliyi və Azərbaycan Sambo Federasiyası tərəfindən fəxri fərman və hədiyyələrlə təltif ediliblər.


Xeberle.com