"Sumqayıt” komandası 2021/2022 mövsümünün hazırlıqlarına start verib.
Xeberle.com klubun rəsmi saytına istinadən xəbər verir ki, Sumqayıt
şəhərində başlanan toplanışın birinci mərhələsi iyunun 30-dək davam
edəcək. Ayxan Abbasovun baş məşqçi olduğu kollektiv bu müddət ərzində
bir yoxlama oyununda qüvvəsini sınayacaq. "Gənclik şəhəri” təmsilçisi
iyunun 30-da "Azərsun Arena”da "Qarabağ”la qarşılaşacaq. Görüş saat
18:30-da başlanacaq.
"Sumqayıt” hazırlığın ikinci mərhələsini isə iyulun 2-dən Türkiyənin
paytaxtı Ankarada keçirəcək. İyulun 16-dək Qızılcahamam bölgəsindəki
"Çam Hotel”də məskunlaşacaq komanda 4 yoxlama oyunu keçirməyi
planlaşdırır. Rəqiblərin kimliyi və oyunların zamanı barədə əlavə
məlumat veriləcək.
Xəbərdən istifadə edərkən istinad etmək vacibdir.
