Göygöl Olimpiya İdman Kompleksində Reqbi-7 idman növü üzrə respublika birinciliyi keçirilib. Gənclər və İdman Nazirliyinin və Azərbaycan Reqbi Federasiyasının təşkilatçılığı ilə reallaşan yarışda Sumqayıt şəhər komandası da iştirak edib.
Sumqayıt Gənclər və İdman Baş İdarəsindən Xeberle.com –a bildirilib ki, Gəncə, Şəki, Naftalan, Şəmkir, Gədəbəy, Mingəçevir və Qəbələ komandaların da qatıldığı yarış gərgin və maraqlı idman mübarizəsi şəraitində keçib. Sumqayıt komandası bütün rəqiblərinə qalib gələrək yarışın qızıl medalına sahib olub.
Yarış Nazirlər Kabineti yanında Operativ Qərargahın tələb və tövsiyələrinə uyğun olaraq xüsusi karantin rejiminin qaydalarına əməl edilməklə və həkim nəzarəti ilə keçirilib
Xəbərdən istifadə edərkən istinad etmək vacibdir.
