Gənclər və İdman Nazirliyi, Təhsil Nazirliyi və Azərbaycan İdman Könüllüləri İctimai Birliyinin birgə layihəsi olan "Çempionumuz” sosial idman layihəsi çərçivəsində Sumqayıtda növbəti görüş keçirilib.
Xeberle.com xəbər verir ki, Sumqayıt şəhər Gənclər və İdman Baş İdarəsinin təşkilatçılığı ilə 18 nömrəli tam orta məktəbin akt zalında Afina Yay Olimpiya Oyunlarının bürünc mükafatçısı Fuad Aslanovla keçirilən görüş zamanı ilk öncə qonaqlar məktəbin foyesində hazırlanmış Qarabağ Müharibəsi şəhidlərinin fotolarını əks etdirən stentə baxış keçirilmişdir. Azərbaycan Respublikasının dövlət himni səsləndirilmiş, ölkəmizin bütövlüyü uğrunda canından keçmiş şəhidlərimizin xatirəsi bir dəqiqəlik sükutla yad edilmişdir. Daha sonra Fuad Aslanov haqqında video çarx nümayiş etdirildi.
Tədbirdə iştirak edən Gənclər və İdman Baş İdarəsinin rəisi Elgün Hümbətov, Təhsil şöbəsinin metodisti Günel Əlimirzəyeva tədbirin əsas mahiyyətinin gənclər arasında sağlam həyat tərzinin təbliği, yeni nəslin sağlamlığının qorunması, onların narkotik maddələr və psixotrop vasitələrdən uzaq olması, sağlam gəncliyin formalaşması, yeniyetmə və gənclərin düzgün həyat tərzinin aşılanması olduğunu bildirdilər.
Fuad Aslanov şagirdlərin suallarını cavlandırdıqdan sonra şagirdlərlə xatirə şəkilləri çəkdirmişdir.
Xəbərdən istifadə edərkən istinad etmək vacibdir.
