Gənclər həftəsi çərçivəsində tədbirlər davam etdirilir. "2 Fevral – Azərbaycan Gəncləri günü” nün təsis edilməsinin 25 illiyi münasibətilə Sumqayıt şəhər Gənclər və İdman Baş İdarəsinin təşkilatçılığı ilə 31 yanvar 2022 - ci il tarixində gənclər arasında stolüstü tennis yarışı keçirilmişdir.
Yarışın keçirilməsində məqsəd gənclərin sağlamlığının möhkəmləndirilməsi, sağlam həyat tərzinin təbliği, fiziki aktivlik səviyyəsinin yüksəldilməsi və asudə vaxtın səmərəli təşkilidir.
Gərgin və maraqlı idman mübarizəsi şəraitində keçən yarışda qızlar arasında Nurcahan Məmmədli bütün rəqiblərinə qalib gələrək fəxri kürsünün ən yüksək pilləsinə qalxmışdır. Leyla Məmmədli ikinci, Fatimə Vəliyeva və Məryəm Hilalova isə üçüncü yerləri tutmuşlar.
Oğlanların yarışında isə Aslan Musazadə, Vaqif Vəliyev, Adil Hilalov və Kənan İbadi müvafiq olaraq I, II, III yerlərə layiq görülmüşlər.
Yarışın qalib və mükafatçıları şəhər Gənclər və İdman Baş İdarəsi tərəfindən fəxri fərman, medal və hədiyyələrlə təltif olumuşlar.
Qeyd edək ki, yarış koronovirus (COVİD-19) infeksiyasının qarşısının alınması istiqamətində Azərbaycan Respublikasının Nazirlər Kabineti yanında Operativ Qərargah tərəfindən təqdim olunan müvafiq-epidemaloji qaydalara və metodki göstərişlərə uyğun olaraq keçirilmişdir.
Xəbərdən istifadə edərkən istinad etmək vacibdir.
