AFFA İcraiyyə Komitəsində Ələkbər Məmmədovun vəfatı ilə əlaqədar boşalan üzv yerinə Məşqçilər Komitəsinin sədri Vaqif Sadıqovun namizədliyi irəli sürülüb. 

Assosiasiyanın rəsmi saytının verdiyi məlumata görə, V.Sadıqovun namizədliyi "Sumqayıt" klubu tərəfindən Peşəkar Futbol Liqasına (PFL), PFL-dən isə AFFA İcraiyyə Komitəsinə verilib.

Seçki AFFA-nın 2015-ci il martın 6-da təşkil olunacaq növbəti konfransında keçiriləcək. 

Qeyd edək ki, AFFA Nizamnaməsinə əsasən, İcraiyyə Komitəsinin üzvləri assosiasiya üzvü olan təşkilatların müvafiq bölgüsünə uyğun seçilir. Nizamnaməyə əsasən, PFL İcraiyyə Komitəsində 4 üzvlə təmsil olunmalıdır. İcraiyyə Komitəsinin üzvü Ələkbər Məmmədovun vəfatı ilə əlaqədar hazırda PFL İcraiyyə Komitəsində 3 üzvlə təmsil olunur. (report.az)