Fevralın 23-də Xaçmaz Olimpiya İdman Kompleksində 13-14 yaşlı oğlanlar arasında voleybol üzrə Azərbaycan çempionatının zona yarışlarına start verilib.
Yarışlarda Bakı, Sumqayıt, Quba, Qusar, Xaçmaz, Şabran, Siyəzən, Xızı, Qubadlı və Laçını təmsil edən 10 komanda medallar uğrunda mübarizə aparır. Turnirdə ilk iki yeri tutan komandalar ölkə çempionatının final mərhələsinə vəsiqə qazanacaqlar.
Gənclər və İdman Nazirliyinin təşəbbüsü ilə keçirilən respublika çempionatının ilk mərhələsi 4 zona üzrə keçirilir.
Azərbaycan çempionatının final mərhələsi may ayında təşkil ediləcək.  (azertag.az)