İngiltərənin "Manchester United” klubunun portuqaliyalı ulduzu Kriştiano Ronaldo komandasını tərk etmək qərarına gəlib.
Xeberle.com xəbər verir ki, bu barədə "The Times” qəzeti məlumat yayıb.
Bildirilib ki, təlim-məşq toplanışlarını və yoldaşlıq görüşlərini buraxan portuqaliyalı hücumçu komandadan getmək istəyini açıqlayıb. Klub rəhbərliyi onu saxlamağa çalışsa da, Ronaldonu razı salmaq mümkün olmayıb.
Məlumata görə, ulduz futbolçu "Manchester United”dən ayrılmasını komandanın gələn mövsüm Çempionlar Liqasında oynamayacağı ilə əsaslandırıb.
Qeyd edək ki, 37 yaşlı futbolçu 2021-ci ilin avqustun 31-də "Manchester United” klubuna transfer edilib.
Xəbərdən istifadə edərkən istinad etmək vacibdir.
