"Azərbaycan Oyunlar yaxınlaşdıqca, bu oyunların nüfuzdan salma cəhdlərinin daha aydın şahidi olur". 
Bunu "Rossiya 24" kanalına müsahibəsində Azərbaycan prezidenti İlham Əliyev deyib. 
Dövlət başçısı Birinci Avropa Oyunlarının bütün Avropa idmançılarının ümumi bayramına çevriləcəyinə ümid etdiyini deyib. 
"Bu bizim üçün böyük məsuliyyətdir. Azərbaycan bu Oyunların keçirilməsinə yeganə namizəd idi. Əgər o zaman buna razılığımızı verməsəydik, yəqin ki, bu, ideya olaraq qalardı. Mən burada Avropa Olimpiya Komitəsinin Prezidentinin rolunu qeyd edə bilərəm". 
İ.Əliyev bildirib ki, artıq məşəl qədim Atəşgah məbədində alovlandırılıb və ölkəmiz üzrə səyahət edir.
"Sanki Azərbaycan belə tədbir keçirə bilər fikri kimisə narahat edir. Hazırda biz Soçi Olimpiadası ərəfəsində yaşadığınızın demək olar ki, eynisini yaşayırıq. Yalan, uydurma, astronomik rəqəmlər...
Əməliyyat xərclərinə cəmi bir neçə yüz milyon dollar xərclənib. Malik olduğumuz idman obyektlərinin 90 faizi ya tikilmişdi, ya da əvvəldən tikilirdi. Biz onları oyunlar üçün tikmirdik. 
Bakının nəqliyyat infrastrukturu bundan əvvəl də inkişaf etmişdi. Bizdə tez-tez olub, bunu görürsünüz. Buna görə də hazırda belə yalan və kin kampaniyası bizə qarşı yönəlib. Lakin əsas odur ki, idman və dostluq bayramı yaradacağımıza əminəm. Əsas qonaqlarınmız isə idmançılar olacaq. Biz iştirak etmək hər kəsi bura dəvət edirik. Rusiya komandasına da uğurlar arzu edirəm və məncə, Rusiya bu Oyunların əsas favoriti olacaq”. (anspress.com)