Bu gün növbəti ildə keçiriləcək ilk hərracın tarixi və satılacaq əmlaklar açıqlanıb.
Xeberle.com Axar.az-a istinadən xəbər verir ki, 2018-ci ilin ilk hərracı elan edilib.
Əmlak Məsələləri Dövlət Komitəsi 09 yanvar tarixində keçiriləcək hərraca ümumilikdə 134 dövlət əmlakı çıxarıb. Hərraca çıxarılan əmlakların 60-ı kiçik dövlət müəssisə və obyekti, 56-sı istifadəsiz qeyri-yaşayış sahəsi, 18-i isə səhmdar cəmiyyətlərdir.
Hərracada ən yüksək qiymətə təqdim edilən əmlaklardan biri 444 min 500 manata olan Sumqayıtda yerləşən "Bolluq” bazasıdır. İkinci ən yüksək qiymətli əmlak 400 min manata Suraxanı rayonunda yerləşən 42 saylı mağaza, 216 min manata Bakı şəhəri Qaradağ rayonunda yerləşən 22 saylı avtodayanacaq, 210 min manata Oğuz rayonunda tütün anbarıdır.
Budəfəki hərracda "Bərdə Kəndkimya”, "Beyləqan Buzxana”, "Salyan Kəndkimya”, "Tərtər Nəqliyyat”, "Lənkəran Mebel” kimi səhmdar cəmiyyətlər də satılacaq. Bu səhmdar cəmiyyətlərinin hərraca çıxarılmış bir səhminin nominal dəyəri müəssisədən asılı olaraq 0.5 manatdan 2 manata qədərdir.

Xəbərdən istifadə edərkən istinad etmək vacibdir.