Məni "Lukoyl”da əvəz edəcək şəxs qohumum olmayacaq.
Bu sözləri "Lukoyl” şirkətinin sahibi Vahid Ələkbərov Londonda keçirilən "İnvestorlar günü”deyib.
"Mən və Fedun bu illər ərzində bu funksiyanı birləşdirmişdik. Vaxt gələcək, vəzifələr ayrılacaq. Şirkəti idarə edəcək menecerlər olacaq. Varisin kim olacağını biləcəksiniz. Məni əvəz edəcək insan haqqında düşünürəm. O insan yaxın qohum olmayacaq”, - "Lukoyl” rəhbəri deyib.
V.Ələkbərov onu da əlavə edib ki, səhmlərin köçürülməsi prosesi artıq tamamlanıb və benefisiar onun oğlu olsa da, onları idarə edə bilməyəcək.
Qeyd edək ki, "Lukoyl”ın ən böyük səhmdarı 24,8% hissə ilə Vahid Ələkbərovdur. Leonid Fedun 9,8%, IFD Kapital təxminən 8% və "Lukoyl İnvestisiya Kipr” 16% hissə ilə digər səhmdarlardır.(Axar.az)

Xəbərdən istifadə edərkən istinad etmək vacibdir.