Gürcüstan Ədliyyə naziri Teya Sulukiani bəyan edib ki, Mixail Saakaşvilinin Ukrayna pasportu alması barədə Ukraynadan bildiriş alıblar və bu üzdən sabiq Gürcüstan prezidentinin vətəndaşlığı ləğv olunacaq. 

Vətəndaşlığın ləğvi prosedurası artıq icraata götürülüb.  

Daha əvvəl Ukrayna prezidenti Pyotr Poroşenko Saakaşviliyə vətəndaşlıq vermişdi. Gürcüstan qanunlarına görə, yad dövlətin vətəndaşlığını alan şəxs avtomatik olaraq ölkə vətəndaşlığını itirir. Lakin bunun gerçəkləşməsi üçün müəyyən hüquqi və texniki proseduralardan keçmək lazımdır. (Avropa.info)