Neftin bahalaşması tendensiyası davam edir.
Xeberle.com xəbər verir ki, Azərbaycan dünya bazarında "Azeri Light” markalı neftinin bir barelini 66,16 dollara satıb.
Beləliklə, qiymət artımı 0,31 dollar və yaxud 0,47% təşkil edib.
"Brent” markalı neftin bugünkü qiymətləri də bahalaşmanı göstərir. Bakı vaxtilə saat 10:00-a olan məlumata görə, dünya bazarında "Brent” nefti 64.84 dollara satılır.
Xatırladaq ki, "Azeri LT CIF” neftinin minimal qiyməti 2001-ci ilin dekabrında 19,15 dollar səviyyəsində qeydə alınıb. Maksimal qiyməti isə 2008-ci ilin iyulunda 149,66 dollar olub.
Xəbərdən istifadə edərkən istinad etmək vacibdir.
